احذروا مسدسات الصوت

[mr vigo]

المشاركة الأصلية كتبت بواسطة hany121

اللي عايز يشتري مسدس صوت للحمايه وتهويش الحراميه والبلطجيه بايهامهم انه حقيقي انصحه ما يشتريش لانه هيضيع فلوسه علي الفاضي خصوصا بعد جشع التجار ورفع الاسعار للضعف.. كتر هجوم الناس علي شراء مسدسات الصوت وصل للبلطجيه وبقوا متاكدين ان كل اللي شايل مسدس شايله صوت مش حي وبالتالي اظهار المسدس لم يعد يرهبهم او يردعهم...

الاستاذ قنصل كان قال في اكتر من موضوع انه لا يحبذ حمل مسدسات الصوت للحمايه وانا مكنتش مقتنع لكني اقتنعت بعد ما واحد صاحبي قالي انه طلع عليه حراميه وثبتوه علشان يسرقوه ولما طلع المسدس ما خافوش منه وسرقوه وخدوا المسدس كمان. علشان كده لو حد شايل سلاح حي واتعرض لموقف مشابه لازم يضرب طلقه في الارض علشان يثبتلهم انه مش صوت والا هيفتكروه صوت ومش هيخافو..

لا مهو مش تديه لعيل صغير وتقوله خوف المجرم وقوله لو حد هاجمك قوله حموتك

مش منطقي خالص

منظرك وهيئتك هي اللي حتثبت انه حي مش صوت
يعني متشيلوش وانت لابسلي شورت كوره وتي شرت الارسنال وتفتكر ان المجرم حيخاف لو رفعته عليه

خليك لابس لبس محترم وانت في الشارع عشان لما يحس انك شايله وممكن تبقه ظابط او وكيل نيابه او حتى واحد مهم
وقتها حيحس بجد انه مسدس حي
لان العامل النفسي مهم جدا في التأثير على نفسية المجرم وسلوكه
وانتو كلكم طبعا عارفين ظباط الشرطه باللبس الميري كانو بيعملو ايه سواء في المجرم او المواطن العادي..