باركوووووووولى على الرويال cfx

[ahmedafefy]

المشاركة الأصلية كتبت بواسطة القبطان المصرى22

السلام عليكم ورحمة الله وبركاته
بدون مقدمات
اخييييييييييييرا ربنا حقق لى حلم من احلامى التلاته فى الصيد
وكانت احلامى التلاته بالترتيب
ديانا 52
جامو رويال سى اف اكس
فايروخ 90
والنهارده الحمد لله ربنا اكرمنى بالرويال الاسبانيه المحترمه وبنت الاصول
الملقبه عالميا ومصريا ( بالموس ) و ( الاميره )
واشتريتها من اخونا وحبيبنا على منتديات الصيد ( ابو معاذ )
بمبلغ 3000 جنيه
راجل فى منتهى الاحترام والزوق والله
ولو قلتلكو هو عمل معايه ايه مش هاتصدقو
لكن خليها فى سرى بقى احتراما لرغبته هو فى عدم الحديث عن الواجب ده
لكن مبدأيا كده كل اللى اقدر اقولهوله
جزاك الله كل الخير وجعله الله فى ميزان حسناتك يوم لاينفع مالا ولا بنون
المهم
البندقيه بناء على اول انطباع جميله جدا ورشيقه جدا
وجربت دقتها مبدأيا كده على 15 متر وجبت تلات رشات فوق بعض فى دايره قطرها 2 سنتى
طبعا ده مش كفايه
وان شاء الله لازم اجربها عملى على مسافات اكبر
لكن ان شاء الله انا حاسس انها هاتريحنى كتير
الحاجه الوحيده اللى خانقانى منها هو نظام التعمير بتاعها
بتحتاج تركيز جامد شويه
وهو انك لازم تحط الرشايه بحرص فى بيت الرش
وتدوس عليها جامد عشان تبات بكاملها بالداخل
لأنك لو سبت الرشه بارزه للخارج ولو حجات بسيطه ده هايكون تأثيره سلبى مستقبلا
ومن ضمن اثاره ان الجزره هاتنفس بعد كده
لكن برغم ذالك كل ده طبعا لاينتقص من قدرها العظيم
وعموما بكره اتعود عليها
ودى صور العروسه اهى





وربنا يرزقنا جميعا الخير والبركه ان شاء الله
اللهم امين
والسلام عليكم

الف مبروك عليييييييييييييك