|
| الإعلانات |
|
|||||||
| صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
|
|
أدوات الموضوع | إبحث في الموضوع | انواع عرض الموضوع |
13-10-11, 06:35 PM
|
#1 |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141   |
عجائب القبطان المصرى لاتتوقف(طلعة اليوم)
السلام عليكم ورحمة الله وبركاته
طلعة اليوم غريبه عجيبه ولمعرفة غرابتها انتظرو الفيديو فى اخر الموضوع دى كانت طلعه بسيطه كده على ماقسم السلاح..جامو رويال  الرش..ديابلو بوينتد  بدات صيد فى احدى القرى الريفيه حوالى الساعه 6 صباحا وكانت البدايه مش مبشره اطلااااااااااااااقا لانى ضربت اربع يمامات وحمامه ورا بعض وكلهم بينزلو يا اما فى جناين منازل يااما فوق سطوح المنازل وفى الاخر لما زهقت حاولت اتشجع فى مره من المرات واروح لصاحب البيت اقوله عاوز اليمامه اللى فى الجنينه وكان صاحب البيت ده فاتح سوبر ماركت فى نفس الوقت فى البيت وكان راجل كشر كده ويقول للفيل قوم وانا اقعد مكانك وشايفنى وانا باضرب اليمامه من على سلك الكهربه وبعدين طارت ووقعت فى الجنينه عندو دخلتلو السوبر ماركت وقلتلو سلام عليكم وعليكم السلام ممكن تجيبلى اليمامه اللى وقعت فى الجنينه عندك ياحاج بصلى باستحقار كده وقالى بتقول ايه؟؟؟  قمت مغير الموضوع وقلتلو عندك كانز برتقان ياحاج ؟؟ لا معنديش انا افتكرت انو معندهوش فعلا قلتلو ولا حتى كانز تفاح؟؟  قام مكشر جامد اوى بعيونه وحسيت انها هاتطلع شرار ومردش عليا  اتاريه عنده بس هو اللى مش طايقنى اصلا قلتلو سلام عليكم ههههههههههههههههههههههه وسبتو ومشيت طبعا عشان ميبقاش يوم اس.......مر ومنعا للمشاكل وبعد الموقف ده الحمد لله العمليه بدأت تتظبط وربنا كرمنى كتير والله الموقف التانى رهييييييييييييب وانا ماشى فى احد الشوارع لقيت يمامه واقفه على سلك كهربه ولسه بانشن عليها لقيت حاجه ضخمه جداااااااااااااا جايه طايره من بعيد وطبت فوق سلوك الكهربه زلزلتها من وزنها التقيل انا طبعا اتخضيت واليمامه طارت قبل ماضرب قربت شويه كده لغاية 20 متر من الكائن العملاق ده واتصدمت المعلم كبير ده طلع دكر بط بلدى جه منين مش عارف وازاى كان طاير على الارتفاع العالى ده برده مش عارف ودى اول مره فى حياتى اشوف دكر بط بيطير على ارتفاع عالى كده وكمان يقف على سلك كهربه فكرت اصطاده ورجعت فى كلامى طبعا لما ضميرى انبنى لو كان بعيد عن المساكن كنت ممكن ساتعها افكر اصيده لانو ساعتها اكيد هيكون ضايع من صحابه وصعب يرجع لكن ده وسط البيوت فمينفعش اصيده ده فيديو لدكر البط اهو بالموبايل . https://www.youtube.com/watch?v=ZAqi...eOZvdKXZGsTjrw ودى صورته على السلك  المهم الصيد كان بدون منظار الحصيله النهائيه 21 يمامه 2 حمامه 4 يمامه وقعو فى البيوت 1 حمامه وقعت فى البيوت    والسلام عليكم ورحمة الله وبركاته
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
العرض الشجري