رد: فتح الترخيص للحي
بسم اله الرحمن الرحيم
أنا أرجو من الله عدم فتح باب الترخيص مع انى مثلكم ليس لدى ترخيص و لكن لو نظرت فى الأمر فإن مستوى الجريمة سيرتفع و مستوى العنف و ذلك نظرا لإنتشار السلاح و لأن المجرم سيظل يبحث عن سلاح أقوى يروع به الناس فهيبقى سباق تسلح ففى الدول (الديمقراطية) كما تقول مستوى الجريمة مرتفع جداً من حيث اسلوب التنفيذ و المعدات المستخدمة بمعنى اللى بيسرق بسلاح أبيض هيختفى و هيسرق بطبنجة و اللى بيسرق بطبنجة هيجيب آلى و بعد كدة هندخل علة كمائن بمتفجرات و وسائل تفجير عن بعد و هلم جرا
لازم يكون المجتمع المدنى خالى من الأسلحة علشان الناس تعيش بأمان إلا مع الأجهزة الأمنية وكفاية الفوضى اللى إحنا عايشين فيها بسبب إنتشار الأسلحة بين البلطجية و أفراد غير مسئولين وعلى فكرة الموضوع هياخد فترة طويلة إلى أن يتم السيطرة علية و مصادرة الأسلحة المسروقة و أنا رأيى إن الجيش يعمل فترة سماح أسبوع إلمعاه سلاح غير مرخص يسلمه وبعد كدة اللى يتمسك بسلاح يخد فيها تأبيدة أو إعدام و بعد ذلك محدش هيبقى محتاج يرخص سلاح إلا لو كان سلاح صيد بس يكون بإجراءات أمنية معينة و لا تدخل فيها الواسطة
والسلام عليكم ورحمة الله و بركاته
|
11-03-11, 09:32 PM
المواضيع المتشابهه
العرض الشجري