تليسكوبات باسعار رائعه .... ياريت نناقش الموضوع دة

[Peace Missile]

السلام عليكم ورحمة الله وبركاته
اخوانى الزملاء نظرا لحبى للتليسكوبات بحثت كتير على الانترنت عن السكوبات وللاسف الامل ضعيف داخل مصر اولا لان السكوبات الموجودة فى مصر كلها مش كويسه بغض النظر انها صينى ولكن حتى هى سكوبات تقليدية وبصراحة انا لقيت طريقه رائعة .

كيف تحصل على سكوب رائع ؟؟؟؟؟
---------------------------------------
الموضوع دة ان شاء الله انا ناوى اجربه واتمنى ان الجميع يشاركنى الراى وكلنا نستفيد ونعرف الاخطاء والنصائح من الصيادين والخبراء الافاضل الموضوع كالتالى :
اكيد منكم كتير يعرف مواقع الشراء على الانترنت انا لقيت موقع رائع وهو :
http://www.aliexpress.com
وداخل الموقع عملت Search وكتبت Air Rifle Scope
وفجاه لقيت انواع سكوبات تحف فنيه رائعه واكيد هتشوفوها بنفسكو . طبعا المعروضه كلها على الموقع هى من شركات صينيه ولكن صناعه رائعه غير الموجودة عندنا وامكانيات طبعا جميله جدا وبالنسبه للاسعار الاسعار معظمها يتراوح ما بين 35 دولار و70 دولار بالاضافه الى تكلفه الشحن
وانا حسبت ثمن احد الانواع كان حوالى 70 دولار بتكلفه الشحن يعنى تقريبا 420 جنيه مصر والمثيل ليه فيه مصر ( ان وجد ) لن يقل عن 800 جنيه فى تصورى وبالنسبه للشحن اللى بيقوم بيه شركات عالميه زى :
Feedex,DHL,EMS وغيرها
نيجى للنقطه الاهم وهى الفلوس والدفع طبعا طرق الدفع كتير منها استخدام Credit Cards من انواع فيزا وماستر كارد او عن طريق التحويل البنكى
والمنتج بيوصل حضرتك فى ميعاد اسبوع ل 10 ايام من يوم الدفع ( بيختلف من اوردر لاخر )

وبالمناسبه انا بحثت وجدت الموقع موقع موثوق فيه وكويس والموضوع مش فيه اى نوع من الخدع او النصب ولكن .................ز

انا كتبت الموضوع عشان كلنا نتناقش فى عدة نقاط انا مجربتش موضوع الشراء عن طريق الانترنت قبل كده وبالتالى لسه ما بنيتش ثقه من الموضوع دة بس انا ناوى ان شاء الله اجرب قريب ولو طلعت نصب مع انى اعتقد انها صعبه اوى مش مشكله المبلغ 400 يعوض علينا ربنا
بس انا بسالكوا ايه رايكوا فى حاجة زى كدة ؟؟؟ خاصه وان السكوب لو جه بالطريقه دى وعن طريق شركه شحن دة معناه انه مش هيعدى على جمارك وعلى فكرة هيوصلك لباب البيت
لان الحاجات فى صعوبات دخولها الى مصر ايه رايكوا فى الموضوع دة ؟؟؟؟؟؟؟
اتمنى من الجميع التعليق والافادة
تحياتى