حد يلحقني
السلام عليكم ورحمه الله وبركاته
انا يا جماعة اشتريت البندقيه الكرال ولما جيت استخدمها لقتها بتشكل في النشان فا من كتر محاوله ضبط النشان الخلفي راح النشان باظ بقت البكرة اللي في الجنت بتلف علي الفاضي وطبعا القطعه دي بلاستك فا حاولت اصلحها معرفتش فا روحت اشتريت نشان خلفي جديد و رجعنا تاني للمشكله الاساسية و هي التشكيل فا سالت ناس قالولي غير السوسته و الجلبه علشان الموجودين فيها ضعاف و هو دة سبب التشكيل و انا علي الفور روحت اشتريت سوسته و جلبة و روحت مركبهم وفعلا لقيت فرق كبير جدا في القوة بس للاسف بعد كل التعديلات دي البندقيه لسه بتشكل في الضرب فا روحت سالت ناس تاني قلولي ان العيب في الرش لاني كنت بستخدم رش مصري مكدبتش خبر ورحت اشتريت علبتين بروماجنو (جامو) روحت ضارب بيه 10 رشات و كانت النتيجة شوايه راحو يمين وشويه راحو شمال وشويه راحو فوق و شويه تحت وكانه فرح بنت العمدة السؤال هنا في حد لسه عنده اقتراحات ولا ابيع البندقيه وابطل الهواية اللي هتخرب بيتي دى
اسف علي الاطاله بس كان لازم اعرفكم علي الهم اللي انا عايش فيه لعلي حد يطلعني منه
|
14-07-30, 12:15 PM
العرض الشجري