موضوع هام و جاد جدا جدا للهوايه و الصيادين

[محمد خلف]

يا جماعه انا هعمل موضوع للعدد الجاي عن الهوايه و فوائدها و استفادتنا منها في حياتنا و المشاكل الي بتقابلنا و احنا بنمارسها و تعنت الشرطه في التعامل معانا
لان في صحفيه في جريده الوطن عملت لقاء مع سياده المستشار محمود فليفل و العمده جلال خليفه و دكتور محمد كمال و دكتور محمد الفايد و انا و اتكلمنا في الكلام دا كله
و التقرير طلع بعنوان انتو في ايه و البلد في ايه
احنا اتصورنا في التقرير دا على اننا ناس فاضيه منفصله عن الواقع بندور على هوايه في وقت توتر و ازمه
مع اننا وضحنا ان في الاوقات دي احنا درع قوي للبلد
بس طبعا دا متقالش
و قالت اننا بنطالب بترخيص الهوائيات و كلنا قلنا بكل وضوح اننا رافضين الموضوع دا رفض نهائي
و طالبنا بمبافقه على انشاء جمعيه للصيادين تدافع عن حقوقنا و ترعى هوايتنا الي بنحبها و مذكرتش الموضوع دا الا بشكل مبهم مش واضح
انا في ايدي نفس السلاح الي هي استخدمته و ناوي استخدمه لمصلحتنا و اعرف الكل اننا اكتر ناس بنحب بلدنا و مرتبطين بارضها و مهتمين بكل القضايا فيها
فياريت الي يحب يشارك في الموضوع يكلمني على الاكونت بتاعي على الفيس عشان نظبط الموضوع دا لاني مش عاوزه يكون رصاصه تدوش زي ما كنا عاوزين التاني
انا عاوزه رصاصه تصيب و تفتح الموضوع للنقش بشكل واسع فعلا لان احنا بجد مهدور حقنا في ممارسه هوايه جميله بتعلم حاجات كتير مفيده لحياتنا بوجه عام
و الحكومه نفسها الي بتحاربنا فيها
دلوقت الاعلام كمان عاوز ياكل عيش من ورانا
كده حرام
انا هقاوم و هحاول اعمل حاجه
مين معايا و هيساعدني ؟؟؟؟؟