مكالمة مع الاستاذ هشام سمير حول الرائعة bsa r-10

[hokaboka]

طبعا بندقية bsa r-10 (بالذات نمرة 2) هي احدث واقوي انتاجات الانجليزية العريقة bsa وممكن تتعرف علي كل حاجة عنها من خلال الرابط ده.

http://www.bsaguns.co.uk/airgun_r-10.php

وده لينك فيديو كمان عشان عيونكو

http://www.youtube.com/watch?v=_JdiwC_wKWI

http://www.youtube.com/watch?v=_JdiwC_wKWI

لاحظ ان الراجل في الفيديو بيحط طلقة طلقة (من غير الخزنة) عشان هوا بيستعمل اسلوب التعمير الفردي لقوة الاصابة الاعلي والدقة في التنشين..بس طبعا قدامة خيار استخدام الخزنة برضة لو عاوز..

المهم هي مش موجودة في مصر لسه ..بس انا تاكدت ان مفيش حظر علي استيرادها (انا محامي)، ولاحظت ازاي ان ناس كتير في منتدانا الحبيب عوزاها ومستعدة لمهرها...وانا واحد من الناس دي...



فقررت الاسبوع اللي فات اخد خطوة ايجابية واكلم الاستاذ هشام سمير اسالة لو كانت متوفرة نمرة 2 عندة...لما كلمته ضحك اوي وقالي دي مفيش منها في مصر غير 5 بالعفية..وهي رائعة واقولك علي خير كويس اني ناوي عن طريق مستوردين ادخل عدد خلال شهر وخليك متابعني.


انا الصراحة فرحت قوي وقلت ابلغ كل الناس هنا عشان اللي عايز يحجز مع استاذ هشام يتوكل علي الله...بس كنت عاوز استاذ هشام يقولنا ححتكلف كام لحد ما توصل مصر وامسكها بايدي ومبلغ الحجز اد ايه لو كان حيكون فيه حجز.. مع الشكر.