اموت والاقي rohm rg96 ألماني 9ملل جديد

[الأفوكاتو]

السلام عليكم جميعا يا أرجل ناس في مصر ، بجد حبيتكو عشان اخلاقكم العالية اللي بشوفها من واقع الردود والمشاركات وده اللي شجعني اني اشترك في هذا المنتدي العظيم ، انا عضو جديد معاكم ويارب نتفاعل واستفاد منكم وانا عارف انكم مش بتبخلو علي حد حتي لو جديد واحب اوجه تحية خاصة للأستاذ / بدر وللأستاذ هشام سمير الناس اللي والله حبتهم من غير ما اتكلم معاهم ولا اشوفهم
بداية انا عندي حتة قديمة من التسعينات والتر p88 صوت بتاعة ابويا انا بعشق الألماني بصراحة مش عارف بحسه اقوي من الايطالي او عامة منحاز لالمانيا خاصة في الصناعات الميكانيكيا والعربيات والماكينات ، عايز اجيب مسدس rohm rg96 بس للأسف شوفته عند البارودي اللي في الجيزة وعجبني تاني يوم اخدت الفلوس وروحت اشتريه بس اتصدمت لما بصيت عليه تاني (معاينة نهائية) قبل ما ادخل لاقيته 8ملل بجد اتصدمت ، انا اعرف ان الـ9ملل صوته اعلي ولا انا غلطان ، وياريت حد يقوللي ايه الفرق بين ال8ملل والـ9ملل ، وهل الrohm مافيش منه 9ملل ولو موجود يبقي فين وسعره كام دلوقتي ولو ما لاقيتش اجيب 8ملل وخلاص ولا هيبقي صوته مش قوي مع انه اصلا المسدس صوته جبار ، تحياتي إلي الجميع .