رغم كل شئ الحمله المقاطعه مستمره ومش هنتنازل+ المطالبه بفتح تراخيص السلاح الحي

[فاطمة الخط]

مقاطعه تجار السلاح
+
المطالبه بفتح تراخيص السلاح الحي

كل المشاركات اللي هتفيدك في اي سؤال ان شاء الله هتلاقيها هنا
موضوع
ايه مشكله الاسعار

إنخفاض اسعار البنادق والاسلحة وفتح الاستيراد
ياااااجماعة الإستيراد والتصدير اتفتح
وكل شئ بدأ يتحسن
بس التجارة في تكاسل رهيب
يمكن ماحدش راضي يستورد غير لما يخلص البضاعة اللي عندة ويبعها غالي
بس علي العموم ان شاء الله من المؤكد نزول الأسعار بشكل رهيب في الفترة القادمة
والاسلحة من المؤكد سيتم استيرادها بأسعار رخيصة
ويتم بيعها بأسعار خياليه نظرا لظروف البلد الصعبة
والمطلوب من الاعضاء كلهم وقف الشراء والتكاتف معا ضد هذا الاستغلال وعدم شراء اي اسلحة
في الوقت الحالي حتي تنخفض الاسعار (اضراب ) حقيقي ولأما الانتصار من التجار في الغلووالاحتكار
او اننا نشتري اي سلاح بالمبلغ المعقول بصراحة الاسعار مهما نزلت
متين او خمسميه حتي بردة دة افتري هما مش بيكسبو دول بينهبو ياريت الاهتمام بجد
حتي نعيش في عالم الصيد افضل وافضل
وياريت اسمع رأيكم اية في الكلام دة
وشكرا ليكم جميعا
وهنعمل بداية المقاطعه لشراء السلاح يوم 5 ابريل
والي نهاية الشهر وان لم يتم
البيع بالسعر العادل
هيتم استمرار المقاطعه ولازم نكون كلنا ايد واحدة كفاية بقي استغلال وظلم
موضوع
الشراء ليس عرض وطلب مع تجارالسلاح
اتمني مشاركه الجميع في التعبير عن آرائهم في الوقوف ضد الغلاء واحتكار
مجموعة من التجار والمحلات للسوق
وعايز اوضح للجميع ان العملية هنا في بيع وشراء الاسلحة عملية اجباريه باحته ومليئه بالظلم والاحتكار
س/ اي حد ممكن يقولي ليه ده بيع وشراه
وعرض وطلب
ج/ هرد عليه وهقوله
الكلام ده يكون حقيقي لما تكون السلعه متوفره ولو في مكان واحد بالسعر العادل
في التسويق(( بأن تكون لية نسبة ربح معقوله مش نهب ))
وده مش متوفر في اي مكان في مصر بحالها ولو حد قال برده
ان في بعض الاعضاء بتبيع بسعر اقل
هقول بردة ما زال السعر غالي ومش بذم في الاخوة اللي بتبيع في المنتدي
دول ربنا يجازيهم خير ممكن يكونوا واخدنها غالية من المستورد بردة ومستغلهم
وهما حولو ينزلو السعر قدر المستطاع
ولكن انا بأناشدهم انهم يوقفوا الشراء هما كمان
واناشد جميع الاعضاء بعدم الشراء من داخل او خارج المنتدي
او عرض المستعمل او الجديد رجاء نجعلها مقاطعه كامله ناجحة
وشارك ولو برأي تعبر عنه في الموضوع
يارب وفقنا في وقف الاحتكار
يارب..............يارب .......................يارب ................يارب

تعليق علي المواضيع
استمرار وتبليغ
المهم المقاطعه التامه وان التجار تعرف كده قبل العميل كمان
لازم توصل الرساله ليهم واننا كلنا ايد واحده ونرفض الاستغلال والاحتكار والجشع
وده هيتم مثلاً بعمل وريقات تدل علي المقاطعه وتوزع علي محلات بيع السلاح

المعامله السيئه
ياريت الناس كلها تلتزم علشان التجار يتادبوا و يتعلموا يعاملوا الناس كويس اولا قبل كل شئ لان بصراحة المعاملة اصبحت في منتهي السوء الواحد كانه داخل يشحت مش داخل يدفع ثمن الحاجة اضعاف مضاعفة و الله الواحد اصبح يشعر بالمهانة لمل يروح محل اسلحة علشان يشتري اي حاجة بالتوفيق



استفسار
س/ اسمحلي يا باشا اعلق علي موضوعك............سيادتك كنت فين من ساعة قيام الثورة ومن ساعة التجار ماشبعوا مننا استغلالنا وسرقتنا ولسه فكر دلوقتي....؟؟؟؟؟؟؟؟؟؟
-------------------
ج/ احنا اللي عطنالهم الفرصه ديه يعملونا وحش ونشتري يغلو ونشتري
انا اسف اني متأخر في الموضوع ده
بس عايز اعرف انت ليه ماحولتش
انت اللي تعمل ده قبل كده
انا بحاول اعمل حاجه
فياريت نساعد
بعض من غير النظر للماضي
وهو يعني الماضي وحش ومحدش عمل حاجه
يبقي نسكت بقي ونخلي المستقبل كمان وحش
لاء ....لاء......لاء
مش هنسكت وهنكمل مع بعض

التربيه مطلوبه
لا........لا........ لازم نربيهم من الاول وجديد
انت فعلا لو هتشترى بندقية خرطوش هتعمل 4000جنية وهو ممكن يقولك البندقية الرش ب6000 فما ازيد والله هى حاجة تحرق الدم من جشع واستغلال التجار ده طبعا الظاهر منهم بخلاف صفقات الاسلحة المشبوهه ايلى بيعملوها من تحت التربيزة هما فعلا تعدو كلمه جشع دولت مافيا السلاح فى مصر
سؤال وجواب
س/ هل ممكن نشتري من اعضاء المنتدي ارخص من بره وهما أولي واقل؟
ج/ المشكله ياجماعه
مش ان اخونا الافاضل بيبيعوا ارخص من السوق
لأن السوق غالي وهما ااقل بس غالي برده
العمليه مش اننا نشتري ارخص العمليه ان الاسعار
تبقي عادله من البدايه
يعني مثلا
البندقيه في بلادها عامله 600 جنيه واحنا متعودين نشتريها 1800 جنيه ومتعودين
علي كده
وجاه واحد بعها ااقل شويا عن السوق وبعها
1500 جنيه
وهو انا مش بحمله عبئ ولا حاجه ده هو عايز يعمل خير
واجي انا انبسط واشتري علشان هو ارخص
واشجع كده
لاء .......... لاء ........... لاء ................لاء
ديه سلبيه لازم نعالج المشكله من الاصل
ولما الاسعار تنزل ومثلا
البندقيه سعرها 600 في بلادها وتيجي هنا وتتباع بعد كل مصاريف نقلها وشحنها ومكسبها
850بـــــ
والاعضاء يبعوها ااقل بسعر مثلا 800 اكيد هنسوق ليهم وهنعملهم احلي شغل ونشجعهم
لكن بالشكل اللي بتقولوه ده
يبقي برده سالبيه ولسه معالجناش حاجه
والظلم والجشع والاحتكار والاستغلال هيستمر.
حمله إعلاميه
حمله قويه جداً ضد غلاء الاسعار ومعامله التجار
ياجماعه 5 أبريل اول يوم في حمله المقاطعه
عايزين كل واحد يشتغل علي اد ما يقدر
- في كتابه مواضيع
- نشر الخبر في كل المواقع
- توعيه الآخرين
- اجراء مقابلات مع التجار ومعرفه موقفهم من الحمله
- طرح افكار جديد
- التعاون علي تشكيل رابطه تنفيذيه لنجاح الحمله
- طرح فكره المطالبه بتيسير الاستيراد الشخصي والتسوق عبر الانترنت

عايزين اليوم وكل يوم
ضجه إعلاميه تسمع اكبر عدد من مستهلكي ادوات الصيد
وشكراً للجمع
ثوره ...............ثوره ...............حتي النصر
.......... ثوره في كل مكان في مصر..........







حملـــــة فى كـــــل مكــــــان
مطالب لابد منها

سلاح مرخص لكل مواطن شريف لمواجهة البلطجية ))))
ياجماعه حمله فتح تراخيص السلاح مفيده جداً
ولها منافع لكل الناس في الوقت الراهن وفي غيره
ارجوا المشاركه من الجميع والتصويت
والمساعه في اتباع الوسائل المتاحه

وسائل حمله فتح التراخيص
*مراسلة الصحف القومية والحزبية والمستقله على ابواب أراء القراء

مناشدة المجلس العسكرى المصرى على صفحته فى الفيس بوك*

نشر الموضوع علي كثير من المواقع *

مواصله المطالب حتي التنفيذ*

*وجود افكار جديده تطرح من الاعضاء
وادعوا الله ان تتم الحمله بنجاح تام
حمل الملف المرفق