أقتراح لمحاربة النصب!!

[mhassan9]

لاحظت في الفترة الأخيرة تكرار الشكوى من عدد من الأعضاء أنهم أتنصب عليهم من أعضاء تاني كانوت بيبيعوا في المنتدي حاجات مضروبة وهما وثقوا فيهم للأسف وشروا الحاجه وطلع فيها مشاكل.
أنا شخصياُ أشتريت مسدس من شاخص دون ذكر أسمه علي أنه جديد ولاحظت وقت الشراء أنه فيه خدوش ولونه شبه ممسوح في بعض المناطق...المهم خدته علي أساس أنه عيب مش مؤثر علي كفائته.
المهم لما روحت قلت أفكه عشان أزيته لقيت فيه كمية هباب تدل علي أنه أتفحت ضرب وحتي متنضفش قبل كدا...يعني أهمال كمان مع أن صاحبه قال أنه ضرب بيه 3 رصاصات بس.
لما كلمته قال أنه مبيفهمش في المسدسات وأنه خده كدا...مع أنه قال أنه أشتري حي وأنه ظابط سابق....يعني مش عارف أزاي مش فاهم في الصوت؟؟؟؟
عشان مظلموش ولا أحمله فوق ما يحتمل مش مهم موضوعي في ناس عندها بلاوي أكثر من كدا المهم الأقتراح اللي انا عايز أقوله اللي بشكل كبير هينهي علي الدخلاء اللي كل يوم بيخشوا بأسم ويستغلوا أن الناس مش عارفاهم ولو واحد عرفهم ممكن يغشوا غيره
نعمل أيييييييييييييييييه!!
كل واحد يشتري حاجه يتصور مع الشخص اللي أشتري منه ومعاهم السلاح.
1- من باب الذكري اللي أن شاء الله تبقي كويسه ويقول اللي أشتري علي الراجل دا راجل محترم وينصح الناس يتعملوا معاه.
2- عشان لو اللي أشتري أتغش يقول أحترسوا من الراجل دا وحتي لو غير النك نيم بتاعه مش هيعرف يغير شكله وساعتها كل واحد هيتعلم الأدب ويعرف أنه لو نصب علي حد أنه هيبقي منبوذ ومفيش حد هيتعامل معاه تاني

مفيش حد معوش موبايل فيه كاميرا دلوقت..وأعتقد صورة تجمع البايع والمشتري متزعلش حد إلا اللي علي راسه بطحه...واللي يرفض يتصور منشتريش منه بالعكس هو لو عارف أنه سليم هيظهر نفسه للناس عشان تعرف أنه محترم ومن الأمان التعامل معاه

أيه رأيكم؟؟؟؟