الموضوع الشامل للمبتدئين

[sayed allaa]

اسف يا جماعة جدا على التأخر في الرد
بالنسبة للاستاذ talha_hasan
الالماني او الاسباني مش هتفرق عادي كله بيصطاد
بس اكيد الالماني احسن
و و الله لو مصري بيصطاد برده
بالنسبة للاستاذ محمود صالح
لازم يكون معاك سلاح حاد للذبح غير كده مينفعش و الموضوع ده حصل معايا قبل كده
و مأكلتهاش و اديتها لقطة ماشية في الشارع
لازم يكون معاك سلاح للذبح
و بالنسبة للاستاذ ahmadkhalaf
طبعا غلط و الاستاذ dr_mohasan قالك الحكم الصحيح
و بالنسبة للاستاذ a7md10
كل البنادق من جوه نفس الشكل من جوه الا اختلافات بسيطة
ممكن مجموعة الزناد مثلا مفيهاش امان
غير كده كله واحد و بنفس المبدأ و العتلة نفس الكلام الفرق بس في حجات بسيطة
يعني لو عرفت تفك دي هتفك دي
و معلش الصور اللي في الجزء التاني حضرتك قصدك على انهو جزء مع اني شايفها بس لو محتاج جزء مش فاهمه قولهولي في الجزء التاني و انا هصورلك الخطوة تاني
و بالنسبة للرمسيس شغالة و كويسة و بتصطاد بالنسبة للمشكلة اللي عندك
انت بس تنشن في مقتل الرأس الجناح كده يعني و الوضع هيتحسن معاك
ههههههههههه انت بتهزر و لا بتتكلم بجد
عبد الجواد مسمعتش عنه الصراحة
استعمل الرماية او المارسمان المصري و جرب
بالنسبة للنسبة و الله مفيش نسبة ثابته للموضوع ده بتختلف من واحد لواحد
والله لو عاوز مدفع يبقى البام الصيني بس مش دقيقة زي الرمسيس لكن لو ركبتلها تلسكوب هتبقى 100 100
فيه بقى الكرال العتلة مع واحد صاحبي و مجنناه مش مريحة خالص بس انت تشوفهم و شوف انت انهو الي عجبتك اكتر
و شكرا لكل الناس اللي شاركت في الموضوع و معلش لو اتأخرت في الرد

[a7md10]

المشاركة الأصلية كتبت بواسطة sayed allaa

و بالنسبة للاستاذ a7md10
كل البنادق من جوه نفس الشكل من جوه الا اختلافات بسيطة
ممكن مجموعة الزناد مثلا مفيهاش امان
غير كده كله واحد و بنفس المبدأ و العتلة نفس الكلام الفرق بس في حجات بسيطة
يعني لو عرفت تفك دي هتفك دي
و معلش الصور اللي في الجزء التاني حضرتك قصدك على انهو جزء مع اني شايفها بس لو محتاج جزء مش فاهمه قولهولي في الجزء التاني و انا هصورلك الخطوة تاني

انا قصدى انك تعمل مشاركة بأسم (( تعرف على اجزاء البندقية قطعة قطعة ))مثلا تقول فيها دى مجموهة الزناد و بتتكون من كذا و كذا و كذا بالصور و دى مثلا مجموعة كذا و بتتكون من كذا و كذا يعنى شرح تفصيلى لاجزاء البندقية الرئيسية و مكونات هذة الاجزاء و فايدتها بعد ما تصور كل مجموعة لوجدها و كل قطعة داخل المجموعة مفكوكة لوحدها مش لازم النهاردة بس اعتبرها فكرة تستحق التجربة بس أهم حاجة تكتب فايدة كل قطعة و بتعمل ايه فى البندقية بس اعذرنى بصراحة الصور اللى فى الجز التانى من الموضوع مش كلها واضحة خاصة صور الاجزاء الصغيرة او الاجزاء اللى بلون الأسود عشان قلة الاضاءة فى حاجة مهمة ممكن تفيد فى الموضوع ده ان صور الاجزاء الصغيرة ممكن تعمل عليها دايرة بلون معين ببرنامج الرسام مثلا و تديها رقم و تكتب فى المشاركة ان الرقم 1 اللى فى الصورة يرمز لكذا و 2 لكذا .........

المشاركة الأصلية كتبت بواسطة sayed allaa

و بالنسبة للرمسيس شغالة و كويسة و بتصطاد بالنسبة للمشكلة اللي عندك
انت بس تنشن في مقتل الرأس الجناح كده يعني و الوضع هيتحسن معاك
ههههههههههه انت بتهزر و لا بتتكلم بجد
عبد الجواد مسمعتش عنه الصراحة
استعمل الرماية او المارسمان المصري و جرب

بالنسبة للرمسيس هى بتقتل العصافير بس تخيل انى من ساعة ما جبتها من 15 سنة لم اصطاد بها اى طرائد اكبر من العصافير هههههههههههه و بالنسبة للرش ده للأسف اللى كان متوفر بصراحة العلبة مكتوب عليها 200 رشة بعد ما عدتهم طلعه 170 و شيل منهم 30 او 40 رشة بايظة يبقى حوالى 130 رشة:d انا بشترى الرش من محلات الخردوات بس الانواع الكويسة من الرش اللى حضرتك ذكرتها اجدها فين

المشاركة الأصلية كتبت بواسطة sayed allaa

والله لو عاوز مدفع يبقى البام الصيني بس مش دقيقة زي الرمسيس لكن لو ركبتلها تلسكوب هتبقى 100 100
فيه بقى الكرال العتلة مع واحد صاحبي و مجنناه مش مريحة خالص بس انت تشوفهم و شوف انت انهو الي عجبتك اكتر
و شكرا لكل الناس اللي شاركت في الموضوع و معلش لو اتأخرت في الرد

يعنى ايه بندقية مدفع تقصد بندقية للمحترفين ؟؟؟؟
طيب ايه مشاكل الكرال العتلة ؟؟؟؟
و ياريت لو ترشحلى نوع تانى عتلة برضه بس يكون دقيق و قوى و يجيب الطرائد الكبيرة و المدى المؤثر و يا حبذا لو يكون بخزنة لو سعره كويس لو الخزنة هتخلى سعره نار بلاش خزنة .... أهم حاجة العتلة

شكرا جزيلا لحضرتك و جعل الله مساعداتك لاعضاء المنتدى فى ميزان حسناتك