بندقية العمر للجميع

[lilkapo]

موضوع ممتاز طيب ممكن لو سمحت تبتدي بنفسك وتقول لينا ايه المزايا والعيب بالتفصيل الممل عن بندقيتك الجت نمره 1 يعني البندقيه معاك عامله ايه ? والف شكر لموضوعك الجميل

انتا عندك حق تصدق انا ازاى مفكرتش فى كدة
طيب يا سيدى انا هقولك حاجة انا جايب البندقية من قريب اوووى ولسة مظهرليش اى عيب فيها ولله الحمد بس بجد والله العظيم البندقية دى يا جماعة قوية جدا جدا وبالنسبة للناس الى سمعتها بيقولو انها متاسرش فى الطرائد الكبيرة مع احترامى ليها طبعا لانهم اهل خبر ليا راى تانى جرب تنشين بيها على اى طريدة لكن خلى هدفك من اسفل الرقبة لاعلى الراس وشوف تاثيرها اية
انا بتكلم للافادة وليا وجهة نظر فى موضوع الصيد يا جماعة اولا لازم نفرق بين الصياد والقناص
اولا الصياد
الهدف الوحيد لية هو انة يصطاد اكبر كمية من الطرائد
اما القناص الى اتمنى اكون واحد منهم فى يوم
فهو الى بيشبع هوايتة وهيا القنص و مراقبة الهدف وارسال الضربة فى مكان معين يحددة هو مش يضرب الطريدة وخلاص ودة ميختلفش لان الطريدة هتقع هتقع لكن صدقونى لو قلتلكم انى بمسك الطريدة مهما كانت وادور اول حاجة على مكان الضربة ولو فى المكان الى حددتو ببقى مبسوط جدا
نرجع تانى لموضوع البندقية زى مقلت بندقية قوية ماشاء الله وبالنسبة لعيبها الى ناس كتير مش بتحبو وهو حجم الرشاية الصغير لانها نمرة واحد فانا مبيهمنيش دة لانى زى مقولت احب اقنص مش اصطاد اوووى نيشنها ثابت من اول ظبطة لية وربنا يكرمنى واجيب سكوب وبكدة هتبقى فعلا بندقية كاملة تجمع بين كل المميزات فى البنادق وهيا تعتبر اول فئات الهاى بور كمان نيشانها ثابت وسمعت ان حجتها متوفرة والحمد لله كمان سعرها مكنش كبير لانى جبتها من محل ببورسعيد اسمو ( السحيلى ) وهو صديق لجدى وادهانى ب 1650 جنية مع انى سمعت ان اسعرها اكتر من كدة على المنتدى لكنة ادهالى بالتمن دة الحديثة مش القديمة
وعلى فكرة عن تجربة شخصية ممكن تتستهدف من مسافة كبيرة مش صغيرة
ولله الحمد مريحانى وزى الفل ومش ناوى اغيرها خلاص

بالنسبة بقى للرمسيس الى عندى
كلناااااااااااااااااااااااااا عارفينها كانت مع صديق ليا ومرمية فوق سطح بيتو وكنت اشوفها ووالله تصعب عليا حالها قولتلو متجبهالى قالى خودها مش لازمانى ختها وديتها للراجل الى قولتلكم علية بس من زماااااااان اوووووى غيرلها السوستة وشحمها وروق عليها وكانت عاملة شغل معايا زمان بس مش صيد كنت بتمرن عليها رماية وكانت كويسة ولما طلعت بيها رحلة قبل النوريكا ما شاء الله كان الخير وفير والحمد لله زى مبنقول فى مصر (حمار شغل)
المهم جدا يا رجالة انى حابب اقولكم معلومة صغيرة بعيد عن البنادق خالص
متطلعش تصطاد ابدا غير لما تتعلم رماية صح اووووووووى علشان متحبطش وتمل الموضوع
اعمل ميدان رماية على قدك فى اى مكان انتا شايف انو ينفع ا
نا كنت عامل بلكونة البيت وبضرب من اخر الغرفة المطلة عليها وكان مناسب اوووى
والحمد لله عندى مبادئ الرماية صح ودة الى اهلنى بعد كدة انى اطلع اصطاد وارجع مبسوط جدا بكمية الطرائد الى بجيبها
عموما انا على استعداد انى افيد اى شخص باى معلومة مهما كانت عن الرماية باسلوبها الصحيح
وان شاء الله اتمنى اكون افدت اى عضو ولو واحد بمعلومة مهما كانت صغيرة
اخوكم العباسى ( ابو ابراهيم)