تــــنويه هــــــام

[dr_mohasan]

المشاركة الأصلية كتبت بواسطة tarekvb

صديقى بل اخى : كلمة "عبد المأمور" انت ذكرتها من قبل انها من الاخطاء الشائعة لان طالما ذكرت كلمة عبد فيذكر بعدها الله او اسم من اسماء الله الحسنى فبالتالى كلمة عبد المامور حرام لاننا كلنا عباد لله عز وجل.

ساتحدث بشكل عام وليس كونى من الادارة لانها اولا واخيرا منصب (شرفى - صعب - مرهق)
كمبدا عام موضوع العزوف عن الشئ بسبب عدم الاقتناع غير وارد انت عايز عبد الله يسيب الاشراف لو مكنش مقتنع ببند من البنود
- كلنا كنا غير مقتنعيين بالمناهج الدراسية وكلها حشو هل تركنا التعليم عشان مش مقتنعين
؟
-كلنا فى نقاط فى رؤسائنا فى العمل غير مقتنعين بيها سواء فى ادراتهم للعمل او اسلوب تعاملهم بل من الممكن ان رئيس يتجاوز مع موظف وليس فقط الموضوع عدم اقتناع وفى سبيل ان تسير الحياه وتجنبا للجزاءات الى اخر الحاجات اللى كلنا عرفنها مش بنسيب اشغلنا ومش بنقدم استقالاتنا

-كلنا مش مقتنعين بان الترخيص السلاح الحى يكون لاصحاب الاراضى والمحلات والمصانع والمواطن العادى ليس له الحق فى الترخيص ومع ذلك امتثالا للقوانين محدش بيشيل سلاح حى غير مرخص (الا من تجاوز طبعا)

- حضرتك مثلا دكتور بيطرى ناجح واكيد فى حاجات مش عجباك ومش مقتع بها فى وزارة الصحة مثلا كاسلوب تعاملها مع انفلونزا الطيور ومع ذلك لم تضحى بلقبك وسنين دراستك وتحول مسارك وتشتغل فى مجال اخر لانك مش مقتنع بل لانها القوانين مازلت تعمل فى مجالك مع عدم اقتناعك.

- والعديد من الامثلة التى تجلعنا نمتثل للقوانين باختلاف مكانها حتى لو لم نكن مقتنعين

**ملخص ماسبق ان تنفيذ القوانين فى اى مكان غير مرتبط بالاقتناع او عدمه كل ما يمكن عمله هو تقديم بعض الافكار للمشرع بحسب موضعه (فى شغل فى منتدى فى حكومة) ومحاولة تعديلها للافضل بل عدم تعديلها لا يبرر عدم الاتزام بها

وكل ما سبق هو راى شخصى ورؤية محدودة من جانبى جزاكم جميعا الله كل خير

حبيبى طارق

الوظيفة شىء والعمل التطوعى شىء آخر

فى وظائفنا الكثير مما لا نقتنع به , ولكننا نقبله مضطرين حتى تأتى لنا الفرصة لنغيره ,
و لكن لا نقبله ونقتنع به ثم ندافع عنه !!!

أما فى العمل التطوعى , فلا نكون مضطرين لنقبله , و يجب أن تكون مقتنع بما تفعل , وتدافع عنه وعن أهدافه , وإلا لماذا تتطوع لتعمله وأنت غير مقتنع به ؟

ثم أننى لم أفترض أن أخى عبد الله غير مقتنع ولم اقل أنه يجب أن يتركه (انت جبت الكلام ده منين) , أنا فقط أسأله , مقتنع ولا لأ , ولم أزيد على ذلك.

وأخيرا , لازم تروح تنام دلوقتى علشان الطلعة بتاعة بكرة , ولا ناوى تطبق لغاية بكرة , روح نام علشان تعرف تركز وتضرب عاليمام بدل ما تضرب علينا , وتبقى أول واحد فى المنتدى يطلع ويصطاد اصحابه بدل اليمام.
ههههههههههههههههههه ..........خالص تحياتى حبيب قلبى