الموضوع شامل للجدد

[solom1]

المشاركة الأصلية كتبت بواسطة talha_hasan

السلام عليكم ورحمتة الله وبركاته اختيارك صحيح ومظبوط وانا منصحكش فى الكرال التركى عشان ظهرت فيه عيوب العيب الاول كسر السوستة بسهولة والعيب الثانى فيه خامات صينية \ والبنادق التى تناسب المبتدئين هم (0 نوركا اسبورت - جامو اسبكترا - رمسيس - معادى - شنغهاى )
ولو عجبك الهواية تدخل فى البنادق الهاى بور (0 ديانا - ويبلى باتريوت- بام - نوركا جيت --------- الخ) وشكراااا -------------- تحياتى للجميع

متشكر جدا لإهتمام حضرتك. وإنت كده طمنتني بالنسبة لنوريكا سبورت. مش ناقص غير الإستخارة وربنا يسهل وأنزل أشتريها. بس هل حضرتك تعرف سعرها في حدود كام دلوقتي. وممكن أشتريها من فين؟ وهل يفضل أشتري معاها منظار أو جراب مثلا ولامش لازم في البداية؟ ونوع الرش اللي يكون كويس معاها؟ معلش أنا آسف لو كنت طولت في الأسئلة ولكم جزيل الشكر.

[dr_mohasan]

المشاركة الأصلية كتبت بواسطة solom1

متشكر جدا لإهتمام حضرتك. وإنت كده طمنتني بالنسبة لنوريكا سبورت. مش ناقص غير الإستخارة وربنا يسهل وأنزل أشتريها. بس هل حضرتك تعرف سعرها في حدود كام دلوقتي. وممكن أشتريها من فين؟ وهل يفضل أشتري معاها منظار أو جراب مثلا ولامش لازم في البداية؟ ونوع الرش اللي يكون كويس معاها؟ معلش أنا آسف لو كنت طولت في الأسئلة ولكم جزيل الشكر.

يفضل طبعا الجراب للحفاظ عليها لأن خامتها نضيفة جدا و تقفيل الدبشك رائع فعلا
أحسن رش هو الجامو ماتش وذلك بعد تجربته وتجربة البروماجنوم والمارسمان

بالتوفيق ان شاء الله

[solom1]

المشاركة الأصلية كتبت بواسطة dr_mohasan

يفضل طبعا الجراب للحفاظ عليها لأن خامتها نضيفة جدا و تقفيل الدبشك رائع فعلا
أحسن رش هو الجامو ماتش وذلك بعد تجربته وتجربة البروماجنوم والمارسمان

بالتوفيق ان شاء الله

عاجز عن الشكر فعلا على كل المعلومات القيمة دي. مش عارف من غيركم كنت ها أعمل إيه؟

[talha_hasan]

المشاركة الأصلية كتبت بواسطة solom1

متشكر جدا لإهتمام حضرتك. وإنت كده طمنتني بالنسبة لنوريكا سبورت. مش ناقص غير الإستخارة وربنا يسهل وأنزل أشتريها. بس هل حضرتك تعرف سعرها في حدود كام دلوقتي. وممكن أشتريها من فين؟ وهل يفضل أشتري معاها منظار أو جراب مثلا ولامش لازم في البداية؟ ونوع الرش اللي يكون كويس معاها؟ معلش أنا آسف لو كنت طولت في الأسئلة ولكم جزيل الشكر.

السعر حدود 1250 - 1300 جنيه انا انصحك ب مشيل عازر او شريف ابو ضيف
والبنسبة للجراب والمنظار ممكن يديك جراب هدية بس المنظار مظنش ولا يهمك ياباشا ------تحياتى للجميع

[solom1]

المشاركة الأصلية كتبت بواسطة talha_hasan

السعر حدود 1250 - 1300 جنيه انا انصحك ب مشيل عازر او شريف ابو ضيف
والبنسبة للجراب والمنظار ممكن يديك جراب هدية بس المنظار مظنش ولا يهمك ياباشا ------تحياتى للجميع

أولا ألف شكر لحضرتك على كل الإهتمام ده . ومعلش ها أتعبك معايا تاني. هل يفضل أجيب المنظار من البداية ولا أتعلم النشان الأول من غيره. ولو ها أشتريه يفضل نوع معين أو مقاس معين مثلا لأني ما أعرفش مواصفات المنظار بتكون بإيه؟

[sameer]

المشاركة الأصلية كتبت بواسطة solom1

أولا ألف شكر لحضرتك على كل الإهتمام ده . ومعلش ها أتعبك معايا تاني. هل يفضل أجيب المنظار من البداية ولا أتعلم النشان الأول من غيره. ولو ها أشتريه يفضل نوع معين أو مقاس معين مثلا لأني ما أعرفش مواصفات المنظار بتكون بإيه؟

بعد إذن صاحب الموضوع لغاية ما يرد عليك الاحسن انك تشتغل بالنشان العادي بتاعها هو نشانها فسفوري حتلاقيه بينور يعني وفيها حاجة جميلة اوي ان السن عليه قنطرة عشان لو اتخبطت ولا حاجة لاقدر الله عليه حتحميه وعشان تتعلم النشان صح وهو ممتع اوي وله متعة خاصة وانتا بتوقع بيه حتحس انك معلم وحيديك ثقة بنفسك وبعدين النوريكا سبورت مش هاي باور يعني مش حتجيب مسافات والتلسكوب عايز مسافات وعايز بندقية جامدة وبعدين حيخنقك اوي في ظبطته وخصوصا انك لسة جديد


ول انتا مصر تجيب تلسكوب يبقا عليك بالترتيب بوشنيل . بي إس . تاسكو وتاخد بالك اوي من المضروب عشان ده مغرق الدنيا

[solom1]

المشاركة الأصلية كتبت بواسطة sameer

بعد إذن صاحب الموضوع لغاية ما يرد عليك الاحسن انك تشتغل بالنشان العادي بتاعها هو نشانها فسفوري حتلاقيه بينور يعني وفيها حاجة جميلة اوي ان السن عليه قنطرة عشان لو اتخبطت ولا حاجة لاقدر الله عليه حتحميه وعشان تتعلم النشان صح وهو ممتع اوي وله متعة خاصة وانتا بتوقع بيه حتحس انك معلم وحيديك ثقة بنفسك وبعدين النوريكا سبورت مش هاي باور يعني مش حتجيب مسافات والتلسكوب عايز مسافات وعايز بندقية جامدة وبعدين حيخنقك اوي في ظبطته وخصوصا انك لسة جديد


ول انتا مصر تجيب تلسكوب يبقا عليك بالترتيب بوشنيل . بي إس . تاسكو وتاخد بالك اوي من المضروب عشان ده مغرق الدنيا

لا كده غالبا مش ها أفكر في التليسكوبات دلوقتي. وألف شكر على إهتمام حضرتك.