للخبراء:الطريقه الصحيحه للتلقيم ؟؟

[adel152]

المشاركة الأصلية كتبت بواسطة tiesto

فى البنادق العتله , هل نضع الرشه ثم نعمر (نشد العتله ) ولا نعمر و بعدين نحط الرشه ؟؟ و يا ريت لو حد عنده اثبات او تفسير لرايه ميبخلش بيه شكرا

الاخ tiesto
اثناء التعمير بشد العتلة بنرجع البستم الى الخلف حتى يتم عملية تعليق الزناد.
مشوار البستم فى الرجوع بيكون فيه سحب هواء للمنطقة الموجودة امام الجلبة الداخلية للبستم.
لذلك يكون افضل واسهل لو الطريق مفتوح لدخول الهواء لغرفة البستم لو وضع الجزرة مفتوح أفقى وموازى لماسورة البندقية لأن بكده الهواء حيدخل لغرفة البستم مباشرة من طرف الماسورة بدون أى عائق زى وجود الرشة او غلق الجزرة.
وبكده مش حيكون فى اى ضغط يؤثر على جلبة الجزرة او دراع التعمير.
النتيجة المطلوبة التعمير اولا (والجزرة على وضع افقى موازى للماسورة والبستم) ثم وضع الجزرة على وضع رأسى لتلقيم الرشة ثم رجوع الجزرة مرة أخرى للوضع الأفقى للضرب.
ارجو أن تكون الفكرة واضحة ولو فى اى استفسار بالنسبة للموضوع ده انا تحت امرك.
تحياتى