موقف صعب جدااااااااا

[dr mohamed kamal]

المشاركة الأصلية كتبت بواسطة محمد ياقوت

الاخوه الاعزاء --- من مده بسيطه كنت فى مشوار قرب الاميريه حوالى الساعه 7 المغرب كنت واقف فى اشاره اول صف فيها سواق ميكروباص طلع بالعربيه وقفل نص الشارع عسكرى مرور كلمو بكل ادب وقالو لو سمحت ارجع شوى تفتح الطريق كده هتعطل الناس السواق نزل شتمو وضربو نزلت من العربيه وخلصناهم من بعض المهم واحد تانى سواق ميكروباص نازل يضرب مع زميلو انا مسكتو وخدتو بعيد شوى وقلتلو اركب عربيتك ومشى الموضوع خلاص (قام ساببلى الدين وشتمنى) قلت عييييب لم نفسك ومشى (قام مكرر الشتم ) قمت وكلو علقه موت موت وسبتو فى الارض ورايح اركب العربيه وامشى واحد من اناس اللى بتتفرج قلى خلى بالك فتح مطواه لفيت لقيت الواد بيجرى عليا وفعلا ماسك مطواه بسرعه مسكت الطبنجه لانى ديما معايا فى الحزام ورفعتها فى وشو بينى وبينو حوالى 2 متر وقف فى مكانو وقلت لو قربت سم هديهالك فى راسك واحد من الناس مسكو ومسك ايدو انا قربت منو ومسكتو وعلى راسو بكعب الطبنجه جاب دم ومسكتو كملت عليه فى الارض كان فى ظابط ب تلات نجوم واقف من بعيد والله بيتفرج لما لقى الواد فى الارض جه وحط رجلو على رقبتو و قلى امشى اركب العربيه وامشى فعلا روحت ركبت وانا ماشى فتحت الزجاج وقلتلو اهو عندك كمل عليه قالى وانت ماخلصتناش منو ليه مالوش ديه
بصراحه مشيت المهم بعدها خطر عليا كام سؤال
1 -- لو محدش كان حزرنى منو ومن المطواه كان ايه الوضع
2 -- لو مش معايا الطبنجه كان هيقف مكانو
3 -- لو مكنتش ضربتو وعجزتو كان ايه الوضع
4 -- لو كان ماسمعش تحزيرى وقرب منى هل كنت هضربو بالطبنجه (فيها طلق بلي)
خلاصه الكلام لاقدر الله لو حد تعرض لاى اعتداء مش اول حاجه تستعمل الطبنجه لو تقدر تعجز المعتدى باليد او اى وسيله (شومه )مثلا او حتى حزام الملابس اعتقد انو يكون احسن المهم تكفى نفسك شر المعتدى بدون اصابات بالغه ليه وليك --- وكفانا الله الشر

أستاذ محمد الموضوع ده وموقف الضابط السلبى ,له مغزى كبير ,هو طبعا شايف العسكرى بينضرب و هو عارف مدى الاحتقان ضد الشرطة ,فهو خاف على نفسه ,بل فكر إن العسكرى ده لو مات مش مشكلة بل سوف يجعل الناس تتعاطف مع الشرطه عندم ينزل الخبر بلطجى يقتل عسكرى مرور ,ثانبا عندما حضرتك يا أستاذ محمد تدخلت فقال أستنى لما واحد يخلص على الثانى ولما رأى أنك أجهزت عليه وأصبح لابد من تدخله فعل ومش بعيد إنه ينسب الموضوع لنفسه ويأخذ مكافئة ,نصيحة يأ أستاذ محمد بلاش المسدس لانه شيطان ,وبلاش تتدخل فى خناقة مع بلطجية من هذا النوع حفاظا على نفسك فى ظل الظروف الحالية التى تمر فيها البلاد ,وده مش جبن لا سمح الله وإنما إبعد عن الشر ,أنت شفت الشرطة تتبع هذا المنطق ,و ربنا يحفظنا جمبعا

[smsmn8888]

المشاركة الأصلية كتبت بواسطة dr mohamed kamal

أستاذ محمد الموضوع ده وموقف الضابط السلبى ,له مغزى كبير ,هو طبعا شايف العسكرى بينضرب و هو عارف مدى الاحتقان ضد الشرطة ,فهو خاف على نفسه ,بل فكر إن العسكرى ده لو مات مش مشكلة بل سوف يجعل الناس تتعاطف مع الشرطه عندم ينزل الخبر بلطجى يقتل عسكرى مرور ,ثانبا عندما حضرتك يا أستاذ محمد تدخلت فقال أستنى لما واحد يخلص على الثانى ولما رأى أنك أجهزت عليه وأصبح لابد من تدخله فعل ومش بعيد إنه ينسب الموضوع لنفسه ويأخذ مكافئة ,نصيحة يأ أستاذ محمد بلاش المسدس لانه شيطان ,وبلاش تتدخل فى خناقة مع بلطجية من هذا النوع حفاظا على نفسك فى ظل الظروف الحالية التى تمر فيها البلاد ,وده مش جبن لا سمح الله وإنما إبعد عن الشر ,أنت شفت الشرطة تتبع هذا المنطق ,و ربنا يحفظنا جمبعا

معلش مع احترامي لو كل واحد كان عمل الكلام تا ايام الثورة كونا كلنا لبسنا طرح مع احترامي
الكلام تا مش
لازم يكون لينا دور في بناء هذا الوطن من جديد ولو كلنا حطينا ايدينا في ايد بعض صدقني البلطجة هتتنسف في مصر
ايام الثورة كلنا كونا في الشارع مش واحد بس كبار وصغيرين لو بلطجي داخل يعمل نمرة مكنش بيطلع اصلاا لو قولنا لا معلش اصلا تا بلطجي وماسك مطوة واتفرجنا علية كان اة الذي هيحصل