سؤال عن اليمام؟؟؟

[venom]

عايز اعرف اذا كان في يمام حوالين البيت كتيييييير اية امكانية اني احط نوع الاكل الذي يتغذي علية اليمـام فوق السطح و محاولة صيدة....بس ماذا يأكل اليــــمام ؟؟؟؟

[koktal]

قمح
ذره
ارز
وكل أنواع الحبوب
بس لازم تسيبه مده على السطح عشان تديلهم الأمان .. تحياتى لك وللجميع ..

[venom]

المشاركة الأصلية كتبت بواسطة koktal

قمح
ذره
ارز
وكل أنواع الحبوب
بس لازم تسيبه مده على السطح عشان تديلهم الأمان .. تحياتى لك وللجميع ..

شــــــــــــــــــــــــــــــــكرا لحضرتك علي الافادة و انا هاحول اسيبو اطول فترة ممكنة و الرزق علي الله شكرا مرة اخري

[moneey1975]

كل انواع الحبوب يا كبير وممكن عيش ناشف وتفتفته

[sameer]

بص يا باشا الكلام ده انا مجربه بس مش عشان اصطاد كنت بحطلهم كدا يعني عشان ييجو عندي البلكونة

كنت بحطلهم البتاع الفخار الصغير ده و احط فيه مية وواحد تاني ومش لازم ممكن عالارض رز و درة عويجو و غلة قمح وكان القمح اول حاجة بتخلص

اليمام يعني بيموت وبيعشق القمح وبدين الذرة العويجة المدورة اللي شبه الكسبرة وبعدين الرز وتسيبهم فترة حلوة وكل لما يخلص تحط تاني عشان بعد كدة حيتعودو عالمكان ده انا عندي كنت بلاقيهم بيتعاركو في البلكونة عشان كل يمامة تبقا عايزة المكان ده لوحدها ومش عايزة يمامة تانية تخلص منها الاكل فهمتني؟
يعني تديهم الامان وتحطلهم يوم بعد يوم لغاية ما يتعدودو ومش بعيد تلاقيهم عششو في المكان ده وده برضه حصل معايا وعششو في البلكونة عندي

[boody]

وبعدين يا استاذ سمير بعد ما عششوا عملت اية معاهم

[sameer]

المشاركة الأصلية كتبت بواسطة boody

وبعدين يا استاذ سمير بعد ما عششوا عملت اية معاهم

هههههههههههههه طفشناهم

[boody]

ههههههههههههه لا مش قصدى كدة يعنى اصطادتهم باية بندقية ولا فخ ولا اية؟

[sameer]

المشاركة الأصلية كتبت بواسطة boody

ههههههههههههه لا مش قصدى كدة يعنى اصطادتهم باية بندقية ولا فخ ولا اية؟

لا يا غالي انا ما اصطدتهمش ولا بفكر اصطادهم دول بقو زي صحابي ههههههههههه

بس بجد دول يبقو شايفيني كدة قاعد جوة وما يخافوش وييجو يقفو على البلكونة ويروحو وييجو وما يخافوش مني

شوف بقا اليمام اللي هو اجبن خلق الله يشوفك قاعد في الصالة وييجي يقفلك في البلكونة ومش خايف مكن الصراحة ما يهونوش عليا ابدا

[venom]

المشاركة الأصلية كتبت بواسطة sameer

بص يا باشا الكلام ده انا مجربه بس مش عشان اصطاد كنت بحطلهم كدا يعني عشان ييجو عندي البلكونة

كنت بحطلهم البتاع الفخار الصغير ده و احط فيه مية وواحد تاني ومش لازم ممكن عالارض رز و درة عويجو و غلة قمح وكان القمح اول حاجة بتخلص

اليمام يعني بيموت وبيعشق القمح وبدين الذرة العويجة المدورة اللي شبه الكسبرة وبعدين الرز وتسيبهم فترة حلوة وكل لما يخلص تحط تاني عشان بعد كدة حيتعودو عالمكان ده انا عندي كنت بلاقيهم بيتعاركو في البلكونة عشان كل يمامة تبقا عايزة المكان ده لوحدها ومش عايزة يمامة تانية تخلص منها الاكل فهمتني؟
يعني تديهم الامان وتحطلهم يوم بعد يوم لغاية ما يتعدودو ومش بعيد تلاقيهم عششو في المكان ده وده برضه حصل معايا وعششو في البلكونة عندي

ربنا يخليييييييك ظبتني اتتا كدة...شكــــــــــــــرا جدا لحضرتك

[ابو مروان]

زى ما الاخوة قالو لحضرتك وممكن تحط فول كمان_حصى موش مدمس_ههههه المدمس دة بتاعنا احنا_هاتحط الحبوب كذا يوم ويفضل تحطهم من باليل لان اليمام بيبدا ياكل بعد الفجر _وتسيبة يولف على المكان ولما يولف بقة ممكن حضرتك تعمل _دروة _مكان تلبد جواة فوق السطح وما تكونش باين خالص وتصلى الفجر وتلبد فية مع نفسك انتة وسلاحك وتبدر الحبوب قدامك ولما اليمام ينزل توكل على اللة _اضرب وبعدين خد اليمامة والبد تانى وهكذا

[venom]

المشاركة الأصلية كتبت بواسطة ابو مروان

زى ما الاخوة قالو لحضرتك وممكن تحط فول كمان_حصى موش مدمس_ههههه المدمس دة بتاعنا احنا_هاتحط الحبوب كذا يوم ويفضل تحطهم من باليل لان اليمام بيبدا ياكل بعد الفجر _وتسيبة يولف على المكان ولما يولف بقة ممكن حضرتك تعمل _دروة _مكان تلبد جواة فوق السطح وما تكونش باين خالص وتصلى الفجر وتلبد فية مع نفسك انتة وسلاحك وتبدر الحبوب قدامك ولما اليمام ينزل توكل على اللة _اضرب وبعدين خد اليمامة والبد تانى وهكذا

شكرا علي المعلومات القيمة دي انا هجلبهم كل الهمه عاوزينة هههههه و ربنا يكرم