مناقشة في قوة صوت المسدسات الصوت . هل يمكن تعديلها ؟

[adel152]

المشاركة الأصلية كتبت بواسطة eng badran

السلام عليكم ورحمة الله وبركاته
يا جماعة انا عندي سؤال وياريت يكون موضوع نبحث فيه سوا
اولا انا عندي مسدس ايكول فرات مسدس الشعب يعني
المهم انا اول ما جبت المسدس مش فاكر بصراحة صوته كان عامل ازاي بس اعتقد انه كان كويس
في الاول كان عندي اعتقاد ان الصوت ده حاجة خاصة بالطلقة بس .. يعني لو الطلقة نضيفة هتطلع صوت نضيف لو طلقة تعبانه هتطلع صوت تعبان
المهم انا شلت المسمار الصلب اللي موجود في الماسورة من جوا .. ومن بعد ما شلته وانا حاسس ان صوت المسدس اتغير , بمعني اني لما بضرب بيه مش بسمع الطلقة ( طاخ ) بسمعها ( طراع ) اكنك بتفرقع بمسدس فراقيع حمرا من بتاع زمان ده الساقية , قلت لنفسي دي اوهام اكيد هوا صوته كده من الاول وانا مش واخد بالي , لحد ما حصلت خناقة تحت البيت وطلع جاري وضرب طلقتين من مسدس والتر الماني وسمعت صوته زي الحي بالزبط متفرقهومش عن بعض وجميل ودقيق وكل حاجة
نزلت سألته عن المسدس فلقيته بيستخدم طلق الماني اصفر
نزلت جبت الطلق الالماني وكان اغلي من التركي وحطيته وضربت بيه اجربة برضو طلع نفس الصوت مفيش اي فرق بينه وبين التركي
والسؤال دلوقتي
هل المسمار اللي انا شلته ده ليه علاقة بالصوت زي ما كنا بندرس زمان انك لو حطيت حاجة قصاد مصدر صوت هتقسمة نصين وترجع تجمعة تاني وبالتالي الصوت هتسمعة مضاعف ؟؟؟؟؟؟؟
وهل في تعدين ينفع يتعمل في بيت النار يحسن صوت المسدس ؟ وعند مين وبكام ؟؟
وياريت اللي جرب وحس بنفس الاحساس يشارك معانا عشان اعرف الموضوع ده بجد ولا مجرد اوهام ؟؟

م. بدران بعد التحية
تأكد أن مافيش حاجة سدت ماسورة المسدس وكاتمه الصوت من الخروج.
بعد ماتتأكد من الماسورة رجع الطبة تانى وجرب طلقة صوت المانى وشوف لو فى فرق.
تحياتى