مدفع رمضان

[sayedlabib]

يا اجماعه انا معترض جدا على موضوع الصواريخ اولا وموضوع ضرب الطلقات ساعه الفطار ثانيا وهى عاده سيئة جدا مش عادة كويسه واللى معاه مننا مسدس صوت بيستخدمه ساعه القلق فقط عشان يخوف البلطجيه او الحرامى وده مصرح طبعا انه يعمل كده لانه بينبه الناس لكن اللى بيضرب عمال على بطال ده حرام عليه جدا وهافكركم بحديث سيدنا رسول الله صلى الله عليه وسلم حين قال من روع مسلما فليس منا صدق رسول الله صلى الله عليه وسلم ياجماعه ساعه الفطار بيكون فيه سكينه وحضور من الملائكة والملائكة تتأذى مما يتأذى منه الانسان يعنى بتتضايق من الصوت العالى والروائح الكريهة والاتنين بيطلعوا من الصواريخ دى والكلام الفاضى اللى ما يخصش رمضان لا من قريب ولا من بعيد انما هو بدع الناس ابتدعتها عشان تنكد علينا العيشه ده رأيى يا جماعه وحبيت اقولهولكم لعل احدا منكم لا يناله ذنب خصوصا فى شهر كريم زى رمضان وتخيل ان اذان المغرب بيأذن وانتا بتدعى ربك وتسمع صوت يخضك او يخض والدتك او والدك او اى حد صغير او مريض لا حول ولا قوة الا بالله ارجو عدم استخدام الصواريخ او الطلقات الصوت فى غير محلها او للتباهى لانها لا تعبر عن الفرحة انما هى خضة بتخض الناس جدا اللهم قد بلغت اللهم فاشهد