طلعة يوم الاجتماع

[essam assem]

السلام عليكم
اولا كما قال اخى امير انا بعتذر عن تاخير عن حضور الاجتماع وفعلا واللة انا وامير كنا بنسارع الزمن عشان نلحق الاجتماع ونشوف احلى اعضاء لاحلى رابطة فى الدنيا والحمد للة لاحقنا
ثانيا اسف لاخى امير لتاخير على المشاركة فى الموضوع بتاع الطلعة لان واللة العظيم انا تقريبا بعد ماروحت امبارح دخلت فى غيبوبة ومقمتش منها غير من كام ساعة

طبعا يا جماعة طلعة جميلة جدا مع ان الحمام البرى طلع عيننا فى صيدة المرة دية لدرجة انى كنت بطلع على جبل رملى بطريقة فيها تموية شوية عشان المح بس راس حمامة واضرب علية

طبعا مفيش شك الطلعة دية زى ما قال امير انها كانت بقيادة القناص اشرف باهى اللى فعلا بنتعلم منة كتير وهو اضافة قوية جدا لاى حد بيطلع معاة بجانب اخلاقة العلية فعلا اخلاق صيادين بجد وفعلا واللة يا جماعة انا بدات اشك انى اشرف دافع للحمام واليمام هههههههههههه

امير اخى وصديقى وهو اقرب الناس الية فى الوقت الحالى ومهما قلت مش هقدر اوفية حقة وما شاء اللة امير قنص حمامة من على بعد مش اقل من 100 متر لدرجة انى انا واشرف قلنا انى اللى يحاول يصتاد من على البعد دة يبقى بيهرج والحمامة كانت على سلك كهرباء وفعلها القناص ما شاء اللة علية

واسيبكم مع بعض الصور للطلعة
http://imageshack.us/photo/my-images/861/dsc05400m.jpg/
http://imageshack.us/photo/my-images/807/dsc05429o.jpg/
http://imageshack.us/photo/my-images/577/dsc05434d.jpg/
http://imageshack.us/photo/my-images/580/dsc05440h.jpg/
http://imageshack.us/photo/my-images/600/dsc05451a.jpg/

تحيــــــــــــــــــــــــاتى للجميــــــــــــــع