شرف والعيسوي يكرمان أول مواطن استجاب لمبادرة ''رجع السلاح''

[جنرال]

شرف والعيسوي يكرمان أول مواطن استجاب لمبادرة رجع السلاح
ا
6/26/2011 12:40:00 am
كتب – سامي مجدي:
في إطار مبادرة ''رجع السلاح'' التي يقوم عليها ''اتحاد شباب الثورة''، وحركة ''فناني الثورة''، بدأت يوم السبت الجولة الميدانية الأولى للمبادرة؛ حيث وصل من أعضاء المكتب التنفيذي لاتحاد شباب الثورة (الدكتور عبد الرازق عيد – أحمد حنفي – الدكتور هيثم الخطيب– تامر القاضي – عمرو حامد – محمد السعيد) وأعضاء من حركة فناني الثورة( بداية) الفنان شاندو وأحمد رأفت ومصطفي أبو المعاطي) إلي منطقة البداري في محافظة أسيوط.
كما بدأت جهود الاتحاد في المبادرة تكلل بالنجاح، حيث بدأ عدد من المواطنين تسليم عدد من الأسلحة المفقودة من وزارة الداخلية حيث سلم أحد المواطنين الشرفاء من مركز السنبلاوين بمحافظة الدقهلية بالتعاون مع اتحاد شباب الثورة بتسليم أحد الأسلحة المفقودة وسيكون أول المكرمين من قبل الدكتور عصام شرف رئيس الوزراء واللواء منصور عيسوي وزير الداخلية.
وتهدف ''رجع السلاح''، التي تأتي ضمن المبادرة القومية ''أمن الوطن. أمان المواطن''، إلى توعية المواطنين بأهمية المشاركة في إعادة الأمن والمشاركة في إرجاع الأسلحة المفقودة لعودة الأمن كجهاز يعمل بالأساس في خدمة الشعب ويطبق القانون بالتساوي علي الجميع كما طالبت بذلك ثورة 25 يناير المجيدة.
كما تلقت غرفة العمليات باتحاد شباب الثورة مئات المكالمات الهاتفية من المواطنين من مختلف المناطق والمحافظات الذين أعلنوا عن تعاونهم مع الاتحاد في المبادرة.
ويناشد الاتحاد كافة المواطنين ومؤسسات الدولة والمجتمع المدني أن يتواصلوا مع الاتحاد عبر البريد الالكتروني الخاص به، أو صفحة الاتحاد الجديدة علي ''فيسبوك'' أو صفحة (رجع السلاح) وأن يتعاونوا كذلك مع المبادرة لاستعادة أمن الوطن وأمان المواطنين والقضاء على ظاهرة البلطجة وترويع الآمنين في أقرب وقت ممكن.

[za2r2lel]

ما شاء الله

نتمنى من الجميه الالتزام باعادة الامن للوطن باى صوره ن الصور

شكرا لموضوعك اخى

[tata]

بسم الله مشاء الله حاجه حلوه و الله

[بسام سعيد]

يارب الناس تبدأ تستجيب حتى يعود الامن والامان لمصرنا الغالية

[خالد أبو الفتوح]

أنا عاوز أقول يا جماعة تسليم السلاح ( إلأ عاوز يسلم يعنى ) يكون للجيش وليس للشرطة لأسباب منها
أولا: نحن نثق فى الجيش الذى حمى الثورة وحمى البلد
ثانيا : إن نسبة كبيرة من الأسلحة التى سرقت من أقسام الشرطة ( وليست كلها ) هم الذين سرقوها أو ساعدو على سرقتها بعلمهم وإشتراكهم فى بيعها أو تخبأتها
ثالثا : يغلب على ظنى إن إى سلاح يسلم للشرطة هيخدوة ويبعوة تانى ( وهيسيبو البايظ والمعدل والحجات إلإملهاش لزمة يعملو بها إثبات حالة )
والكلام دة مفيش حد ينكرة إلإ إلا عاوز يدحك على نفسة
فيا ريت لو هتعملو حملة لجمع السلاح على الفيس بوك مثلا يبقى نقول نسلم السلاح للجيش إلإ حمى البلد وحمى شببنا ومنسلموش للشرطة مش هنقول إلإ قتلو شببنا وتسببو فى الإنفلات الأمنى أيام الثورة وإلإ تقاعسو عن أداء واجبهم بعد الثورة بلاش نقول دى علشان البلد مش ناقصة نقول نسلم السلاح للجيش وليس للشرطة وخلاص

[جنرال]

المشاركة الأصلية كتبت بواسطة خالد أبو الفتوح

أنا عاوز أقول يا جماعة تسليم السلاح ( إلأ عاوز يسلم يعنى ) يكون للجيش وليس للشرطة لأسباب منها
أولا: نحن نثق فى الجيش الذى حمى الثورة وحمى البلد
ثانيا : إن نسبة كبيرة من الأسلحة التى سرقت من أقسام الشرطة ( وليست كلها ) هم الذين سرقوها أو ساعدو على سرقتها بعلمهم وإشتراكهم فى بيعها أو تخبأتها
ثالثا : يغلب على ظنى إن إى سلاح يسلم للشرطة هيخدوة ويبعوة تانى ( وهيسيبو البايظ والمعدل والحجات إلإملهاش لزمة يعملو بها إثبات حالة )
والكلام دة مفيش حد ينكرة إلإ إلا عاوز يدحك على نفسة
فيا ريت لو هتعملو حملة لجمع السلاح على الفيس بوك مثلا يبقى نقول نسلم السلاح للجيش إلإ حمى البلد وحمى شببنا ومنسلموش للشرطة مش هنقول إلإ قتلو شببنا وتسببو فى الإنفلات الأمنى أيام الثورة وإلإ تقاعسو عن أداء واجبهم بعد الثورة بلاش نقول دى علشان البلد مش ناقصة نقول نسلم السلاح للجيش وليس للشرطة وخلاص

يا أخى أنا برضه زعلان من الشرطة بس بلاش نعاملهم كأنهم يهود أو مش من البلد كفاية الإهانات اللي بتتوجه لهم يوميا حتى الأن.
طبعا هما غلطوا بس مش كلهم و بعدين هم لا يمثلون أنفسهم و لكن الجهاز و الجهاز فعليا تحت عين الجيش.
لازم نثق في بعض تاني و نبقى أحسن من الأول على الأقل الوحش لما يشوف كده حايتصلح.
و المتردد يستخير الله وقلبه . لكن أن مش معاك أن يتم التحذير من الشرطة بصورة علنية. ماتنساش أننا محتاجينهم برضه.
اللي غلط يتحاسب و مش بس تعدم يتسلخ كمان بس ما ناخدش عاطل على باطل.
في الإتحاد قوة. و لا إيه؟
مع إحترامي

[خالد أبو الفتوح]

المشاركة الأصلية كتبت بواسطة جنرال

يا أخى أنا برضه زعلان من الشرطة بس بلاش نعاملهم كأنهم يهود أو مش من البلد كفاية الإهانات اللي بتتوجه لهم يوميا حتى الأن.
طبعا هما غلطوا بس مش كلهم و بعدين هم لا يمثلون أنفسهم و لكن الجهاز و الجهاز فعليا تحت عين الجيش.
لازم نثق في بعض تاني و نبقى أحسن من الأول على الأقل الوحش لما يشوف كده حايتصلح.
و المتردد يستخير الله وقلبه . لكن أن مش معاك أن يتم التحذير من الشرطة بصورة علنية. ماتنساش أننا محتاجينهم برضه.
اللي غلط يتحاسب و مش بس تعدم يتسلخ كمان بس ما ناخدش عاطل على باطل.
في الإتحاد قوة. و لا إيه؟
مع إحترامي

راجع كلامى كويس علشان منحملش الكلام فوق طاقتة ونخش فى جدل مفيش منة فايدة
أنا قلت ( بلاش نقول دى علشان البلد مش ناقصة نقول نسلم السلاح للجيش وليس للشرطة وخلاص ) يعنى نسلم السلاح للجيش ومش هنقول منسلموش للشرطة دة مفهول الكلام ونخلى بقيت كلامى الأولانى لنا إحنا فى المنتدى يعنى من باب المعرفة
وياريت مش عاوز أخش فى أى جدال المقصود من الكلام
( نسلم السلاح للجيش ) وباقى الكلام للعلم والمعرفة ( تكرار منعا للجدل )

[جنرال]

المشاركة الأصلية كتبت بواسطة خالد أبو الفتوح

راجع كلامى كويس علشان منحملش الكلام فوق طاقتة ونخش فى جدل مفيش منة فايدة
أنا قلت ( بلاش نقول دى علشان البلد مش ناقصة نقول نسلم السلاح للجيش وليس للشرطة وخلاص ) يعنى نسلم السلاح للجيش ومش هنقول منسلموش للشرطة دة مفهول الكلام ونخلى بقيت كلامى الأولانى لنا إحنا فى المنتدى يعنى من باب المعرفة
وياريت مش عاوز أخش فى أى جدال المقصود من الكلام
( نسلم السلاح للجيش ) وباقى الكلام للعلم والمعرفة ( تكرار منعا للجدل )

يا باشا فين الجدل؟ انا بقول راييء. هما المندى كله عصبية ليه اليومين دول؟!!

[خالد أبو الفتوح]

المشاركة الأصلية كتبت بواسطة جنرال

يا باشا فين الجدل؟ انا بقول راييء. هما المندى كله عصبية ليه اليومين دول؟!!

أنا مش عصبى بس واضح إنك زعلت منى ( أنا أسف على زعلك أولا )
وثانيا أنا كلامى كان واضح ( ( بلاش نقول دى علشان البلد مش ناقصة نقول نسلم السلاح للجيش ومنسلموش للشرطة ) فبعد الكلام إلأ إنت قولتة حضرتك بتقول ( بلاش نعاملهم كأنهم يهود أو مش من البلد كفاية الإهانات اللي بتتوجه لهم يوميا ) فحسيت إن الموضوع إتغير فقولت
يا ريت بلاش جدال
الموضوع ( نسلم السلاح للجيش ) دة الدعوة للفيس بوك وإلإ بينا منسلموش للشرطة
لأن أنا وإنت عرفين مين هما الشرطة وإلإ إنت نسيت الظابط إلا كان عاوز ياخد منك العصاية
وبعدين سؤال لك ولكل المنتدى لو معاك سلاح وعاوز تسلمة هتسلمة لمين للشرطة ولا للجيش
بس يكون قلبك مطمن إنك بتعمل حاجة صح وبعدين دة كلام بنا فى المنتدى لاكن الكلام الإ برة
( هنسلم السلاح للجيش ) تحياتى

[جنرال]

ياباشا أحنا أخوات . انا لو معايا سلاح مش حسلمه قبل ما أحس بالأمان .
مااااااااااااااااااشي كلامك.

[خالد أبو الفتوح]

مساء الفل عليك وعلى أحلى منتدى ( والحمد لله إحنا كدة متفقين ومفيش خلاف )
تحياتى لك

[Biso007]

الحقيقة المطلب غريب و غير منطقى فى الظروف الحالية ... المصريين العاديين (باسثناء جنوب الصعيد و بدو سيناء) طول عمرهم غير مهتمين بحمل السلاح حتى مع رخص سعره الا فى الظروف الحالية ... انا افهم ان حملات ضبط الاسلحة من البلطجية يجب ان تزيد و انتشار الامن فى الشوارع و طرق السفر يجب ان يزيد ... لما ييجى اليوم اللى الاقى فيه انى شايل حتة حديد خطرة و بدون لازمة سوف اسلمها للشرطة او لمحل سلاح قانونى بدون نداءات و لا خلافه ... مش كده و لا ايه ؟؟

[اسلام]

الف شكر لصاحب الموضوع على الطرح الجميل

[خالد أبو الفتوح]

المشاركة الأصلية كتبت بواسطة biso007

الحقيقة المطلب غريب و غير منطقى فى الظروف الحالية ... المصريين العاديين (باسثناء جنوب الصعيد و بدو سيناء) طول عمرهم غير مهتمين بحمل السلاح حتى مع رخص سعره الا فى الظروف الحالية ... انا افهم ان حملات ضبط الاسلحة من البلطجية يجب ان تزيد و انتشار الامن فى الشوارع و طرق السفر يجب ان يزيد ... لما ييجى اليوم اللى الاقى فيه انى شايل حتة حديد خطرة و بدون لازمة سوف اسلمها للشرطة او لمحل سلاح قانونى بدون نداءات و لا خلافه ... مش كده و لا ايه ؟؟

الكلام دة ليس مطلب من أحد الكلام موجة للى عاوز يسلم سلاح ( خلى بالك من الكلام ) إلا عاوز يسلم ( يسلمة للجيش ) لاكن إلا مش عاوز هو حر وأعتقد إن أغلب الموجودين فى المنتدى وأنا واحد منهم لو معايا سلاح مش مرخص مش هسلمة

[smsmn8888]

طيب لم البلطجية يسلمو سلاحهم او يتمسكو بية هنعمل كدا انشاء اللة ابقو قابلوني الموضوع تا مفقود فية الامل تماماااااااااااااااااااا

او علي الاقل الشرطة تكون قد مسئولية البلد

[Biso007]

المشاركة الأصلية كتبت بواسطة خالد أبو الفتوح

الكلام دة ليس مطلب من أحد الكلام موجة للى عاوز يسلم سلاح ( خلى بالك من الكلام ) إلا عاوز يسلم ( يسلمة للجيش ) لاكن إلا مش عاوز هو حر وأعتقد إن أغلب الموجودين فى المنتدى وأنا واحد منهم لو معايا سلاح مش مرخص مش هسلمة

انا اقصد ان المطلب غريب بما انه صادر من وزارة الداخلية اللى هى عارفة تماما مستوى الحالة الامنية الضعيف و مدى انتشار الاسلحة مع البلطجية.