لكل الي عايز يصلح سلاحه القديم

[adel152]

المشاركة الأصلية كتبت بواسطة wknm

انهارده كنت عند مشيل و كنت بسئل عن امكانية توافر دبشك فايبر للكرال

المهم الراجل راح مطلعلي كرت لواحد اسمه

"زكي عوض و اولاده"
ورشة إصلاح انواع المسدسات و البنادق
عنوانه 15 ش الحداد - متفرع من ميدان كامي - الشرابية - بجوار مستشفى غمرة العسكري ت:22359929

للامانه انا معرفش لو كان معروف لدى المنتدى ولا لأ و ان كان حد جربه في شيء بس قلت اشارك المعلومه لاني شفت احد الاخوه بيسئل عن دبشل لان الي عنده اتكسر

و بالمناسبه الراجل ده حسب كلام مشيل ممكن يفصل اي دبشك لاي حد بالطلب

ارجوا ان اكون افدتكم

تحياتي

الاخ العزيز
زكى عوض وأولاده هم من اشهر الطفشجية فى مصر وأحد ابناءه سمير زكى صاحب محل هندسة الاسلحة هيليوبليس مصر الجديدة.

[wknm]

المشاركة الأصلية كتبت بواسطة adel152

الاخ العزيز
زكى عوض وأولاده هم من اشهر الطفشجية فى مصر وأحد ابناءه سمير زكى صاحب محل هندسة الاسلحة هيليوبليس مصر الجديدة.

انا قولت انا معرفهمش و الي عايز يجرب هو حر

انا حطيت المعلومه و كل واحد على مسؤليتو

انا مش فاهم طفشجيه دي يعني حلو ولا وحش؟

[adel152]

المشاركة الأصلية كتبت بواسطة wknm

انا قولت انا معرفهمش و الي عايز يجرب هو حر

انا حطيت المعلومه و كل واحد على مسؤليتو

انا مش فاهم طفشجيه دي يعني حلو ولا وحش؟

اخى العزيز
كلمة طوفشجى هى كلمة تركية موجوده فى مصر من عصر المماليك وكانت تطلق على الحرفى المتمكن فى تصليح وتعديل السلاح بمهارة عالية.
ومن اشهر ورش تصليح السلاح فى مصر ورشة زكى عوض وأولاده. هما غاليين شوية لكن للخبرة ثمن.
تحياتى.

[said ali]

المشاركة الأصلية كتبت بواسطة adel152

اخى العزيز
كلمة طوفشجى هى كلمة تركية موجوده فى مصر من عصر المماليك وكانت تطلق على الحرفى المتمكن فى تصليح وتعديل السلاح بمهارة عالية.
ومن اشهر ورش تصليح السلاح فى مصر ورشة زكى عوض وأولاده. هما غاليين شوية لكن للخبرة ثمن.
تحياتى.

على فكره هم فعلا عندهم كل حاجه
بس مش غاليين شويه

هما غاليين جداااااا جداااااا جداا

وكمان اسلوب الكلام معاهم يحسسك انه بيعمل المستحيل
ولو مش عاجبك مع السلامه
هو دا اسلوبهم
لانى تعاملت معاهم من اكتر من 15 سنه

وقلت مش متعامل معاهم تانى
لكن لجأت ليهم ايام الثوره كنت عايز جلبه بستم للجامو
وما كانتش موجوده غير عنده ولما جبهالى
قالى دى بــ60 جنيه فقلت له مش كتير عليها 60 جنيه
تخيل رده كان ايه؟
هتاخدها بــ60 ولا تتكل على الله؟؟
وكان الواحد بيشحت منهم
وساعتها اقسمت بالله الا اتعامل معه ثانيه
وتركته بعد ما رديت عليه الرد المناسب لكلامه
ولم اخذها ليس بسبب السعر
لكن بسبب الطريقه اللى اتكلم معايا بيها
لكنى وجدتها عند الاستاذ المحترم شريف ابو ضيف
باقل كتيييير من زكى عوض
ويكفى طريقه معاملته واحترامه
فالاهم من وجود ما اريد
الشخص الذى يتعامل معى


هذا رأيي الشخصى من خلال تجربتى معه
واسف لجميع مؤيديه ومحبيه
ولكن هذا ما حدث بينى وبينه

وتحياتى للجميع

[ahmadkader]

المشاركة الأصلية كتبت بواسطة adel152

الاخ العزيز
زكى عوض وأولاده هم من اشهر الطفشجية فى مصر وأحد ابناءه سمير زكى صاحب محل هندسة الاسلحة هيليوبليس مصر الجديدة.

معلش تصحيح واجب ،، مافيش أى علاقة تربط سمير زكى ب زكى عوض ، و ما ينفعش أصلا بالمنطق إن سمير زكى يبقى إبن زكى عوض لأن عم سمير أكبر فى السن ،،، هاهاهاها
أنا فعلا كنت فاكرهم قرايب و بسؤال عم سمير فى مرة نفى لى هذه المعلومة

[safwat]

بالنسبه لأسعاره هيا مش رخيصة ... انا كنت عايز ناشنكاه خلفي للرمسيس ... قالي ان عنده الاصلي انتاج المصانع الحربية بـ "80 جنيه" .... وعنده نوع اخر هوا الي عامله بـ "30 جنيه" ...
وعلى ما اتذكر ان احد الزملاء قال انه شتراه من احد محلات السلحة بالاسكندرية بـ 10 جنيه ..

[adel152]

المشاركة الأصلية كتبت بواسطة ahmadkader

معلش تصحيح واجب ،، مافيش أى علاقة تربط سمير زكى ب زكى عوض ، و ما ينفعش أصلا بالمنطق إن سمير زكى يبقى إبن زكى عوض لأن عم سمير أكبر فى السن ،،، هاهاهاها
أنا فعلا كنت فاكرهم قرايب و بسؤال عم سمير فى مرة نفى لى هذه المعلومة

أستاذ احمد
على قدر معلوماتى البسيطة ومن خلال هذا الصرح العظيم وبناء على معلومات (استاذ جلال خليفة) احد عمالقة هذه الهواية فى القاهرة. زكى عوض (الوالد على حسب معلوماتى) وسمير زكى هو احد ابنائه. ولكن يبدو أن حضرتك تعرف زكى عوض ومتأكد انه اصغر سنا من سمير زكى. وبما أن عم سمير نفى اى قرابة يكون معك كل الحق.
وهذا الرابط هو مصدر المعلومة (وقد تحتمل الصواب او الخطأ) من استاذ جلال خليفة.
http://www.egypthunt.net/showthread.php?t=406&page=2
مع العلم بأننى من الاسكندرية ولم يحالفنى الحظ بمقابلة او معرفة اى من هذه الشخصيات.
اعتذر لحضرتك ولجميع الاعضاء على هذه المعلومة الغير مؤكدة.
خالص تحياتى.