ايهما اقوي في التاثير مسدسات الصوت التي تطلق بلي ام الغاز ولماذا

[gamopt80]

بص بحكم ان معايا الاتنين معايا الجامو pt 80 والمفترض انه من احسن مسدسات الغاز
ومعايا البلو سي المعدل لضرب البلي

علشان اكون امين مجربتش الطلق البلي لسه لكن من التجارب الكتير للاعضاء هنا اكيد مسدس الصوت اقوى بكتير
مسدس الغاز اخره يخرم ألومنيوم زي علبة الكانز او ابلاكاش , دا اخره بنسبه للقوه , ولو هتفكر تضرب بيه واحد لابس جلد ولا حاجه تقيله ولا الهواء ممكن ميحسش بيها اساسا
دا غير مشكلة الغاز الي بيخلص بسرعه ولو تشوف كمية الانابيب الي عندي ومخلصهم على الفاضي لانه في كل الاحوال الغاز بيتسرب خلال ايام فا بتضطر تستخدمه خلال اسبوع او اقل وتشتري غيرها
وانا مستغرب من الي بيقول انبوبه ب5 جنيه!! فين الكلام ده في كل مكان ب10 جنيه

وبنسبه للنشان فهو ممتاز جدا لكن في النهاية ميعتمدش عليه في الدفاع عن النفس

بعكس مسدس الصوت البلي , حسب تجارب الاعضاء كلهم اجمعوا على قوته , وبنسبه لموضوع النشان لو هتستخدمه من مسافه قريبه مش هيبقى في اي مشكله, وانت مش هتحتاج اكتر من 5 متر بينك وبين البلطجي, و على الاقل يعتمد عليه
ومتنساش ان في عامل مهم جدا هو الصوت والرهبه بتاعة مسدس الصوت الي قدامك هيتوهم انه اضرب برصاص حي وهيترمي على الارض زي ما شفنا في الفديو الي كان موجود في احد المواضيع هنا بعكس مسدس الغاز من اول ضربه هيخلي شكلك وحش قوي وهيبان انه لعب عيال