ايهما اقوي في التاثير مسدسات الصوت التي تطلق بلي ام الغاز ولماذا

[H_SRM]

استاذي الفاضل

علشان اكون امين مجربتش الطلق البلي لسه لكن من التجارب الكتير للاعضاء هنا اكيد مسدس الصوت اقوى بكتير
مسدس الغاز اخره يخرم ألومنيوم زي علبة الكانز او ابلاكاش , دا اخره بنسبه للقوه , ولو هتفكر تضرب بيه واحد لابس جلد ولا حاجه تقيله ولا الهواء ممكن ميحسش بيها اساسا
دا غير مشكلة الغاز الي بيخلص بسرعه ولو تشوف كمية الانابيب الي عندي ومخلصهم على الفاضي لانه في كل الاحوال الغاز بيتسرب خلال ايام فا بتضطر تستخدمه خلال اسبوع او اقل وتشتري غيرها
وانا مستغرب من الي بيقول انبوبه ب5 جنيه!! فين الكلام ده في كل مكان ب10 جنيه

عندي تعقيب بسيط, انا جبت الفالترو اول ما جربته ماكنتش فاهم في المسدسات الغاز بحكم انها اول تجربة, لكن هتكلم على المسدس اللي معايا..

المسدس صوته ماشاء الله عالى جداً وأعلى من الجامو, وانا شفت فيديوهات كثيرة للجاموا وحتى الوالتر اصواتهم مش عالية للدرجة, ومش معنى كلامي ان الفالترو صوته زي مسدس الصوت لا طبعا بس عالي جدا ويخض وانا اول مرة ضربت من قلقي ليكون فيه مشكلة فضيت الانابيب واكتشفت اصلا ان صوته عالي لوحدة.

مسدس الغاز ايوة مش قوي زي البلي, لكن مين قالك ان البلي ممكن يروح زي ما انت عايز؟

حاجة تانية المسدس الرش اللي معايا انا ضربت بيه كتير اكتر حاجة فاكرها اني ضربت في خشب من 6 متر خرم في الخشب خرم 3 مم ورد جه فيا وما اعتقدش لو حد لابس هدوم هتبقى اصلب من الخشب.

بالنسبة للتسريب فحقيقة مش عارف يمكن المسدس عندك كدة او الجامو لان انا سبت الانبوبتين قبل اللي فضيوا دول اسبوع في المسدس وكان بيضرب بنفس القوة بفضل الله, وواحد صاحبي معاه نفس المسدس اهو الانابيب داخلة على 45 يوم وبيجربه وبيقولي زي ما هو.

موضوع سعر الانابيب فممكن تكون ب10 فعلا في اماكن بس انا شاري المسدس من ثلاثة اسابيع اهو ب 7 الواحدة.


واخيرا ياباشا لو فيه نصيب وجيت بورسعيد او اي حد معاه فالترو جربه منه وهتشوف هو لعب عيال ولا لعب كبار.

وخلاصة كلامي البلي اقوى لكن مش ادق, وتأثير الرشاية مش للدرجة اللي انتوا فاكرينها الا لو المسدسات اللي جربتوها ضعيفة.

وربنا يستر علينا كلنا