أتقوا الله , الموجودين فى ميدان التحرير أسر الشهداء و البلطجيه مع الشرطة

[راندى اورتن]

المشاركة الأصلية كتبت بواسطة Zero

صدقتوا مين ؟ قناة الحياة و قناة أون تى فى ؟


أنا هحكيلكم الحوار من أولة لأخره و دا من واحد فقد عينه فى الثورة و كان مع أسر الشهداء و المصابين معتصمين أمام ماسبيرو و دا بسبب الأسراع فى الحكم على قتله و رؤس فساد النظام السابق لأن بالوضع دة لما محاكمة تتاجل لشهر 10 و بعد كدة لشهر 2 و بعد كدة لشهر 6 و هكذا و الشعب ينسى و كل سنه و أنتوا طيبين واحد ورا التانى هياخد براءة و قائد الحرس الجمهورى إلى الحرس الجمهورى كان بيعدى الناس إلى راكبين حصنه و جمال متحاكمش ليه برضة ؟ و مبارك أبقوا قابلونى لو أتحاكم بسبب كلمة أحنا ماصدقنا الاوضاع هديت و الكلام دة كله قولولى حاجة حصلت من أول التنحى لحد دلوقتى غير كلام الحد الأدنى محدش أخده و الأسعار غليت أكتر و البلد لسه بتتسرق و الشاوى زى ماهيا و الشرطة زى ماهيا أية الجديد بقى ؟


إلى موجودين دلوقتى فى التحرير يا جماعة مش بلطجيه دول أسر الشهداء كانوا أمام ماسبيروا و بيطالبوا بالأسرع فى الحكم لأن القضاء المصرى يا أما ضعيف بسبب أن الشرطة بتودى المتهم جاهز و بأدانته و القضاء مبقاش له دور يا أما القضاء متواطئ مع الحكم السابق

و بعد كدة أتقال للأسر دى تعالوا نحتفل و تتكرموا فى مسرح البالون ناس منهم راحت المسرح و ناس فضلت معتصمة أمام ماسبيرو بعد كدة أول مادخلوا مسرح البالون طلعوا عليهم ناس بلطجيه و ضربوهم و الحمد لله الناس هربت لحد مبنى وزارة الداخليه و بعد كدة البلطجيه راحوا أدام وزارة الداخليه و دغدغوا محلات كتيرة هناك و ناس أتعورت و كانت كارثة طبعا ظباط الشرطة محدش فيهم بييجى جمب بلطجى دى معروفة من زمان لأنهم معاهم دايما


بعد كدة الناس إلى موجودة فى ماسبيرو من أسر الشهداء هربت لميدان التحرير و الشرطة بقيت تضرب فى أسر الشهداء و المعتصمين بمساعدة البلطجيه و ركزوا فى التليفزيون على الناس إلى موجودين فى ماسبيرو عمرك شوفت واحد بلطجى لابس بدله ؟ ولا عمرك شوفت بلطجى شكله أبن ناس و معاهم بنات كمان ؟ والكلام دة مأخوذ من واحد أسمه محمد أتصل على قناة أون تى فى و دا من المصابين و المتضررين فى الثورة و مش بيشوف إلا بعين واحدة دلوقتى فيا ريت التليفزيون المصرى ينضف و يا ريت عناصر الشرطة تنضف مع أحترامى للمحترمين الموجودين فيهم و أقسم بالله العظيم دا إلى حصل

مشكور على المعلومات