"جمعة طرد المصيفيين " تحت شعار إسكندرية مش مارينا. إسكندرية دى مدينة.

[ahmedmh_ali]

المشاركة الأصلية كتبت بواسطة smsmn8888

اة التخلف يعني مش عايزين مصييفين طيب بتاجرو الشقق ليهم لية وبتفتحو المحلات وتبيعو ليهم لية و تنظفو الشواطي ليهم لية مش علشان بيدفعو فلوس وبيفتحو باب رزق لناس كتيررررررررر في اسكندرية اة القرف تا بقي
يعني انتو شايفين في شغل اصلااا في البلد علشان عايزين تخربوها علي الناس كمان يا اخي انت ممكن تكون موظف في شركة مش محتاج المصييفين بس في غيرك كتير رزقهم من اليومين دول بتوع المصيف بلاش افترى بقي

هو دخل طاقم الأدارة ازاى أنت شيوعى يا سمسم و لا اية بس يا باشا يشرفى بما أنى أسكندرانى أنى أرد عليك :

اولا : أنا مشارك فى مكتب تسويق عقارى الناس اللى بتدى شقق للمصيفين دول السماسرة لا مؤاخذة المعفنين اللى مش لاقين شغل و بيدوروا على 150 و 200 جنية فى الشهر و مش مهم مين اللى يسكن دول اللى بيشتغلوا على المصيفين و الشقق بتاعتهم مش عايز أقولك .

ثانيا : الشواطىء اللى بتتنضف بتفضل نضيفة لأن دى شواطىء خاصة و ممنوع دخولها يعنى مثلا متلاقيش فلاحين و لا مصيفين .
أما الشواطى اللى مليانة مصيفين دة المجانية ( بتاعه الحكومة) اللى الشعب مش بيطول منها جنية .

ثالثا : اللى أنت بتقول عليهم بيدفعوا فلوس دول سبب فى أذية ناس كتيرة فى أكل عيشها :
- المواصلات بتتزحم و احنا مش بنعرف أشغالنا البحر مقفول - شارع ابوقير مقفول - الطريق السريع مقفول .
- البلد فى حالة غير مستقرة مع وجود غياب أمنى و الأعداد اللى كانت بتيجى بالألوف دى الأول كانت بتسبب فى مشاكل فيهم اللى حرامى و فيهم بتوع مخدرات و البلد مش ناقصة طيب ما بالك مع حالة الغياب الأمنى ( لو انت من أسكندرية كنت عرفت المعاناة دى )
- رزق .. ؟؟ رزق فين ؟؟ بسبب المصيفين التجار بتغلى السجاير و المية و الحاجة الساقعه و الأكل و بتعك علينا احنا فى الاخر و هى الحالة مش مستاهلة اساسا
- تحب أقولك كام محل أتسرق بسبب المصيفين ؟
- تحب أقولك كام واخد أتهرس على البحر بسبب مصيف و لا ليبى فرحان بعربيتة و طالع يحلو بيها على البحر ؟
رابعا : فى ناس بتبقى محتاجة للقرش و مع ذلك بترقض تتعامل مع المصيفين , فى سواقين مشروع مش بترضى تقف لمصيفين علشان ميبرطعوش أو فى البلد .

( اة القرف تا بقي - عايزين تخربوها - بلاش افترى بقي ) هههههههههههههه لغتك الحوارية جميلة جدااااااااااااااااااااااااااااااااااااااا