"جمعة طرد المصيفيين " تحت شعار إسكندرية مش مارينا. إسكندرية دى مدينة.

[gamopt80]

يا جماعه الناس الي مش من اسكندرية مش فاهمين وجهة نظرنا
احنا اهل اسكندرية بنكون متضررين جدا بسبب المصيفيين, في شغلنا والاكل والشرب وكل حاجه
والله النهارده نزلت محطة الرمل اجيب حاجه على السريع كرهت نفسي بسبب الزحمه والمواصلات واقفه ومع الحر الواحد كان هيموت
وطبعا احنا اهل اسكندرية لا بنعرف نروح بحر ولا بنعرف نمشي في الشوارع والله بنخبط في بعض واحنا ماشيين
ولو فكرت تنزل تتمشى شويه على البحر تتخنق مفيش مكان حتى تعد فيه وشوف بقى استظراف هل الارياف يا ستيييير يارب
والاعتراض مش على المصيفيين الاعتراض على الفئه الي بتيجي تصيف عندنا!!, لو الي بيجي يصيف ده انسان محترم وانسان نظيف بيحافظ على المكان ايل بيعد فيه هنكون مبسوطين بيهم
والاخوه قبلي وضحوا الحجات الي بنشوفها هنا والله حاجه تقرف وقلة ادب واشكال استغفر الله العظيم, والشواطيء مليانه زباله بشكل مقرف بسببهم
والله يا جماعه البحر قريب مني دقيقتين مشي , ما نزلتش الماية لحد دلوقتي ولا مره, ولو فكرت انزل مستحيل هروح شواطيء هنا (رغم اني من المندره يعني المفروض انه مكان نضيف)لكن لو فكرت اروح البحر هروح على مارينا او منزلش البحر خالص احسن