تزيت البندقية

[sghr220]

المشاركة الأصلية كتبت بواسطة android man

طب ياريت تقولي حضرتك اعمل ايه هل استخدم للتزيت زيت مكن الخياطة لان في ناس نصحتني بيه ومش متأكد

زيت مكن الخياطة لا يصلح لأكثر من سبب و دي طريقة التشحيم المثالية من وجهة نظري:

1- فك البندقية و شيل كل الشحم القديم بعنايه بقطعة قماش قطن جافة و بعدين اعد التنظيف بقطعة قماش مبلله بكحول ابيض او احمر اهتم جدا بمنطقة آخر الكانون و تأكد من نظافتها.
2- تنظيف الكانون و البستم و السوسته و الجلبه تماما من آثار الشحم.
3- يستخدم في التشحيم شحم جرافيتي اسود (موجود لدي محلات زيوت السيارات)...
-شحم اجناب الجلبة و ليس المقدمه خفيف خالص
-شحم اجناب البستم على خفيف
-ركب البستم و الجلبه جوه الكانون بالراحه عشان متقطش الجلبه من حروف الكانون (ملحوظه حتى الآن لا يوجد اي شحم على جدران الكانون)
-ادهن السوسته بعنايه بطبقة متوسطه من الشحم و ركبها جوه البستم
-ادفع البستم بالراحه حتى آخر الكانون و شحم باقي طول الكانون خلف البستم
-كمل تجميع البندقيه (الزناد و البنز و الدبشك)
4- ممنوع استخدام اي شحم او زيت في غير الأماكن المشار اليها
5- ممنوع استخدام اي نوع شحم آخر غير المشار اليه
6- بعد التركيب و عند الضرب حتلاقي دخان خفيف لسه موجود...اضرب حوالي 50 رشايه (من اي نوع ردئ) حتلاقي البندقيه تمام و الدخان اختفى و لو عاوز تخلص على طول حط رشتين فوق بعض كل مره لغاية الخمسين ما يخلصوا
7-نظف الماسوره بقطعة قماش نظيفة 3 و 4 مرات.