قتل الكلاب الضالة بين الوجوب والتحريم

[kiko_2015]

والله يا جماعه رايي الشخصي ان ممكن نشوف بديل لقتل الكلاب دي بردو روح
يعني ممكن يدربوهم في سيرك ولا يودوهم جنينة حيوانات ولا يصدروهم بره ولا يبيعوهم لدول تانيه اي حاجه يعني
لكن هنستغل هواية الصيد في صيد الكلاب؟
طب اصطاد تعالب و خد الفرو ..اصطاد ديب بدل ما ياكلك هو .. اصطاد ارنب و اتعشي بيه..لكن تصطاد كلب عشان تشبع هوايه؟ او تصطاد كلب عشان حد يقولك جدع انت بتعرف تنشن..دي روح بردو ربنا خلقها..صحيح لا يجوز الاقتناء به في المنزل..لكن ممكن نشوفلو صرفه

[dr_mohasan]

المشاركة الأصلية كتبت بواسطة kiko_2015

لكن هنستغل هواية الصيد في صيد الكلاب؟
تصطاد كلب عشان تشبع هوايه؟ او تصطاد كلب عشان حد يقولك جدع انت بتعرف تنشن..

السلام عليكم

يا ريت حضرتك توضح الكلام ده موجه لمين بالضبط , ومين اللى قاله ؟؟؟
لأن الموضوع كله مافهوش الكلام ده !!!

رجاء من جميع الأعضاء قراءة الموضوع جيداً ومعرفة الهدف منه قبل الرد , حتى تكون المناقشة مثمرة ونصل لفكرة واضحة عن الموضوع المطروح للنقاش

[kiko_2015]

المشاركة الأصلية كتبت بواسطة dr_mohasan

السلام عليكم

حضرتك الكلام ده موجه لمين بالضبط , ومين اللى قاله ؟؟؟
الموضوع كله مافهوش الكلام ده !!!

رجاء قراءة الموضوع ومعرفة الهدف منه قبل الرد

يا باشا العفو الكلام ده مش موجه لحد طبعا..كامل احترامي لحضرتك و لكل الناس ارجو عدم اساءة فهم كلامي

[dr_mohasan]

المشاركة الأصلية كتبت بواسطة kiko_2015

يا باشا العفو الكلام ده مش موجه لحد طبعا..كامل احترامي لحضرتك و لكل الناس ارجو عدم اساءة فهم كلامي

أخى الجبيب , هذا موضوع مطروح للنقاش , وكل المطلوب من الزملاء انهم يفيدونا برأيهم , وعلشان الرأى ده يكون له قيمة نستفيد بيها يبقى لازم يحتوى على معلومة أو حكم شرعى أو دراسة علمية أو تجربة شخصية
(كما سبق فى كل الردود السابقة)
ومن ليس لديه معرفة أو خبرة بالموضوع محل النقاش , فعليه ان يستفيد بما يقال فى الموضوع و أن يستمع الى آراء وتجارب الآخرين.

وبهذا نحقق فائدة محققة للجميع , بعيداً عن المهاترات والمشادات

أرجو أن تكون فهمت قصدى .

[dr_mohasan]

المشاركة الأصلية كتبت بواسطة kiko_2015

والله يا جماعه رايي الشخصي ان ممكن نشوف بديل لقتل الكلاب دي بردو روح
يعني ممكن يدربوهم في سيرك ولا يودوهم جنينة حيوانات ولا يصدروهم بره ولا يبيعوهم لدول تانيه اي حاجه يعني
..دي روح بردو ربنا خلقها..صحيح لا يجوز الاقتناء به في المنزل..لكن ممكن نشوفلو صرفه

هذه الفكرة جيدة , وتم مناقشتها فعلاً , وهى إيجاد بديل عن قتل الكلاب الضالة
وقد طرحت هذه الفكرة من سنوات جمعيات الرفق بالحيوان المصرية والأجنبية , والفكرة عبارة عن جراحة صغيرة (نوعاً ما) يتم من خلالها تعقيم الكلاب (استإصال المبايض للإناث والخصيتين للذكور) وبهذا تكون عقيمة ولا تنتج أجيالاً جديدة , وبالتالى تقل أعدادها وتنتهى مشاكلها