رأى مواطن امريكى فى المسدس حلوان القديم

[bodygard 34]

اولا شكرا لكل من رد ولهم وافر الاحترام .. ثانيا بالنسبه لرد الاستاذ يوسف المصرى فللأسف هو فعلا جه عالجرح ... اتفق معاك تماما والله يا اخ يوسف ولحد دلوقت انا مش فاهم ازاى منتج مصرى كان بيتباع من اقل من سنه ب1200 جنيه يبقى دلوقت ب 16250 جنيه على الرغم من انه انتاج شركه قطاع عام مصريه يعنى حكومه مش قطاع خاص حانقول مستغل وطماع والاغرب انه متوفر فى المصنع مش نادر ولا حاجه يعنى مافيش مايبرر لرفع سعره بالجنان ده ويعنى برضه ان قرار رفع السعر قرار حكومى وده طبعا خلى التجار يرفعوا سعر المستورد بالشكل الغريب ده ... نفسى افهم مسدس سعره فى بلده لا يتعدى 600 دولار يتباع هنا ب30000 و40000 جنيه ازاى هو انا حاشترى عربيه؟؟؟؟ لكن باأخ يوسف انهم بيعرفوا يعملوا حاجه كويسه جدا نثق فيها لكن من الواضح ان اللى بيصنع مش هو اللى بيسعر... الا اذا كان الغرض من كده ان الناس تصرف نظر عن شراء السلاح حتى لو مرخص.. وطبعا ناس كتير لما شافت الاسعار دى اشترت سلاح متهرب او مسروق بدون ترخيص ... يعنى برضه قرارات غلط من أولى الامر فى وزارة الصناعه او وزارة الانتاج الحربى فى حكومة ما بعد الثوره ... اسف للاطاله ولكم جميعا جزيل الاحترام