رأى مواطن امريكى فى المسدس حلوان القديم

[Seiko]

لما يكون الحلوان ال920 عنده فى امريكا ب 230 دولار زى منا شفت بعينى لما كنت هناك سنة 2009 , لازم يقول عليه كويس , لكن لو لقاه اغلى من البريتا و الجلوك مكنش حيبصله اصلا.
هو لقى المسدس بربع تمن البريتا بننفس اداء و شكل البرتا فلازم ينبهر.
الناس هناك بتقدر قيمة الحاجة بناء على الاداء امام سعرها مش اداء بس.
و بعدين قطع التصدير جودتها اعلى من المحلى.
كل الكلام ده معناه ان تميزنا فى اى صناعة دايما بنستخسره فى شعبنا عشان نصدره بره و يارتنا بنكسب فيه صح !!!
الحلوان 920 ب 16200 جنيه لجميع محافظات مصر و ب 230 دولار = 1600 جنيه بره محافظات مصر !!!

هذا الكلام من تجربتى الشخصية.

[bodygard 34]

يا جماعه انا مصر ان فى سر فى تسعير الطبنجه بالسعر المبالغ فيه ده لأن زى ماقلت دى شركه حكوميه سواء تابعه لوزارة الصناعه او وزارة الانتاج الحربى ورفع السعر صدر من مسؤلين فى الحكومه .. طيب هم سابوا للتجار ايه ماهم بيعملوا زيهم وبيستغلوا الناس فى الازمات وسبق وقلت ان كانت دى سياسه لمنع الناس عن شراء الاسلحه المرخصه يبقى مابيفهموش حاجه دول خلوا معظم الناس تشترى مسروق او متهرب بأسعار ارخص بكتير بمعنى اصح خلوا ناس كتيرمحترمين ترتكب جريمة حيازة سلاح نارى بدون ترخيص اضافة انهم شجعوا المهربين على زيادة نشاطهم لأن الطلب على السلاح زاد ناهيك عن تحويل مسدسات الصوت الى مسدسات حيه ممكن يحصل من وراها مصايب فى قلب البيوت مع احترامى الشديد للأعضاء المحترمين اللى عملوا كده لأن جواهم خوف على مالهم واعراضهم وبيوتهم يبقى هم اللى دفعوهم يعملوا كده... الحكومه مصعبه ترخيص السلاح بالأجراءات المطلوبه للترخيص وده كفايه اما انى اكون مرخص واتصدم انى لو عايز اشترى طبنجه حاحتاج طبنجه تانيه تحمي فلوسى وانا رايح اشترى.. دى كوميديا