بمناسبة البلطجه إلى موجوده قصة حرامى عندنا + أية وسائل التأمين !

[mman2005]

هههههههههههههه

موضوع طريف ، والله موضوع الحرامية ده شبه يومى عندنا، إحنا قفشنا حرامى الساعة 10 الصبح والناس جرته من ايديه بعد ما ربطوه وأخد حفلة فى الشارع، وفى شارع جنبنا بكم شارع سمعت أنهم مسكوا حرامى وكهربوه، أنا محضر عندى عصاية حديد للموضوع ده، علشان أواجه حرامى معاه مطوة لازم يكون معاك عصاية حديد تقدر تصد بيها الضربة لو ضربك ولو أنت ضربته بيها هتبقى هى الضربة، بس الظاهر يا أخى أنت ساكن فى منطقة الناس فيها فافى شوية، عندنا المنطقة ما شاء الله فيها صعايدة تاكل الظلط، وأى منطقة شعبية مش هيعرف يسلك أى حرامى مع سكان المنطقة لأن الناس بتكون شرسة وكل واحد بيبقى مجهز شومة أو حاجة حديد للموضوع ده.

نصيحة لازم يكون معاك شومة أو أمريكان أستيك أو عصاية حديد بطول لا يقل عن 50 سم لموضوع الحرامية ده.