لمن يهمة نجاح الثورة

[hossam _alking]

المشاركة الأصلية كتبت بواسطة mman2005

المشكلة تنحصر فى شئ، إن الشعب المصرى نتيجة للظلم والديكاتورية والفساد لعقود طويلة الناس بقت علشان تاخد حقها بتخالف القانون، وعلشان أخلص مصلحتى يبقى على حساب جارى، وعلشان أركن عربيتى لازم أعطل المرور، وعلشان أنضف بيتى لازم أزبل الشارع وحاجات كثير جداً....

يبقى ايه الحل؟

مش ينفع تطلب منى أن ما أرميش زبالة فى الشارع وأقرب صندوق قمامة لية على بعد كيلو، مينفعشى أروح شغلى فى ساعة ونصف علشان الطريق واقف وتطلب منى أنى أحترم المرور، مش ينفع تطلب منى أنى أكون شريف وأنت بتدينى مرتب مش بيكفى الإحتياجات الضرورية لمدة 10 أيام فى الشهر ألخ......

الحل أن الحكومة تبتدى تغير سلوكيات الناس عن طريق أنهم يخدوا حقوقهم بطريقة محترمة وتفعيل القانون بشكل حازم للمخطئ، يعنى لما توفرى صندوق زبالة فى كل شارع وأجى أرمى زبالة فى الشارع طبق عليه غرامة فورية 100 جنيه، لما تعمل كبارى وأنفاق وجراجات متعددة الطوابق وتستكمل مترو الأنفاق وتنقل الأعداد الكبيرة دى للمدن الجديدة بحيث أنه يبقى فى سيولة مرورية لو حد خالف بعد كده طبق عليه القانون بحزم.

عايزين توفيرالحقوق المشروعة للمواطن المصرى مقابل تطبيق القانون بحزم على المخطئ.

دة كلام اكثر من رائع
بس انت عارف كدة اننا هنعيش فى عشوائية ولا مبالاة وقلة ضمير
لمدة لا تقل عن عشر سنين للحد لما يعاد ترتيب البيت من الداخل

[hossam _alking]

اللهم ولى من يصلح

[mman2005]

المشاركة الأصلية كتبت بواسطة hossam _alking

دة كلام اكثر من رائع
بس انت عارف كدة اننا هنعيش فى عشوائية ولا مبالاة وقلة ضمير
لمدة لا تقل عن عشر سنين للحد لما يعاد ترتيب البيت من الداخل

ما إحنا يا باشا عايشين فعلاً بقالنا نصف قرن فى العشوائية والفساد عشر سنوات قادمة فساد متناقص نتيجة لتغيير سلوك الناس بأنك تعيطهم حقوقهم وتطبق عليهم القانون بحزم أفضل من أن نستمر طول العمر بهذا الشكل.

[hossam _alking]

المشاركة الأصلية كتبت بواسطة mman2005

ما إحنا يا باشا عايشين فعلاً بقالنا نصف قرن فى العشوائية والفساد عشر سنوات قادمة فساد متناقص نتيجة لتغيير سلوك الناس بأنك تعيطهم حقوقهم وتطبق عليهم القانون بحزم أفضل من أن نستمر طول العمر بهذا الشكل.

يبقى كدة تمام انا كنت اقصد من موضوعى هذا اننا نبدأ نتغير كفاية اللى عدى من عمر الواحد
ولا اية يا جماعة البلد فيها ثورة