الكتريك فرز تانى

[hema777h]

المشاركة الأصلية كتبت بواسطة pooforever_2010

السلام عليكم اخوتى الكرام
الحمد لله موضوع مورو اخونا بتاع العطور عجبنى ونزلت العتبه جيبت شويه على القد كده وربنا يسهل
المهم قلت بالمرة اخش ش عبد العزيز ابص على الالكتريك
فعلا الناس فارشه على الرصيف وبيبيعوا عادى
والناس بتشترى وزى الفل
لقيت هناك كام نوع كده
ال704 وال928 وال105 وال106 والفنار
ال704 وال928 اخر سعر ليهم 160 جنيه من 200 جنيه
وال105 و106 اخر سعر 250 من 300
والفنار 350 من 400
طيب تمام الاسعار جميله ويمكن اقل من بعض الناس
سامع حد بيقولى يا عم طيب ايه العنوان الغريب ده يا عم خضيتنا
اقولكم لو انا ممسكتش الكتريك قبل كده كنت اشتريت واتدبست
اللى ركزت معاه كان ال928 لان الاخ الفاضل المصرى من المنتدى ورهونى قبل كده
فعلا فيه اختلاف رهيب فالملمس واللون والعلبه وحتى الصوت اصعف شويه
مش حعرف اقول فرق اكتر من كده لان اللى مسك نوع من دول قبل كده هو اللى يعرف
وفالاخر نصيحه لوجه الله اللى عاوز يشترى من حد من هنا احسن وميبصش لل10 او ال20 جنيه الفرق
كفايه الناس هنا بتدى ضمان ومعاملتهم حلوة
تحياتى لكل التجار المحترمه
ومعلش صدعتكم تحياتى

والهي قلت كدااا من زمااان ومحدش كااان مصدقني