رد: انا صياد فاشل :(
ياحمادة ياحمادة مين قلك وفهمك أن الصيد ببعد المسافة بتاعت الرماية
35-50 متر ده رقم كبير أوي ... دا البطولة العسكرية للرماية وكنت الثاني فيها علي مستوي الجمهورية للرش سنة 1998 بالاسكندرية بمدرسة جمال عبدالناصر كانت 25 متر تضرب أنت 35-50 متر وأنت لسة مبتدأ ده كتير ... الصيد بيختلف عن الرماية في أية
الصيد هو فن التقرب للطريدة لأقرب نقطة ممكنة بدون ماتحس أو تشعر بيك (تتسحب) أنا ليا صديق مربيني شيخ صيادين بالاسكندرية اسمه حسني الرشيدي الراجل ده ضرب قمرية (نوع من الحماميات المهاجرة شديدة الحذر ممكن تطير من انسان ماشي وهو بينه وبينها 100 متر لو مكشوف) من مسافة 3 متر لو علي شجرة ارتفاعها حوالي 4 متر شوفته وقف تحتها تقريبا ده بينزل يتسحب للطير زي التعبان وانت صغير لازم تضرب من مسافات قريبة
ثانيا انت بتضبط البندقية علي اية أوعي تكون زجاجة ولا كانز لا ياحلو انت تضبط علي نقطة أو تضرب رشاية علي حيطة وبعدين مطرح العلامة تضرب وتعد تضبط لحد لما تلاقي نفسك الرشاية بتيجي مكان الرشاية ولو رماية علي مكان عالي لازم تضبط علي هدف عالي ... لحد لما تبقي الرشاية فالرشاية
اعمل الكلام الي فات ده علي مسافة 10 متر اولا لحد لما تضبط بعد كدة 15 لحد لما تضبط بعد كدة 20 لحد لما تضبط
وحافظ علي الضبطة ومتلعبش فيها بعد لما تتضبط بس كل يوم قبل لما تصطاد اضربلك كام رشاية علشان تتأكد ان النشان مضبوط وقبل لما تضرب قول بسم الله , الله اكبر وتوكل علي الله
وخلي بالك لازم النشان يكون مغطي الهدف مش بتنشن وانت تلاقي نفسك الهدف كله بتتفرج علية وهو فوق النشان
|
11-08-16, 04:45 PM
المواضيع المتشابهه
العرض المتطور
