بيان عاجل من ابو سيف

[mman2005]

أنا يا جماعة مش معاكم لأنى مش مقتنع بالحوار ده لعدة اسباب أولاً البلد رغم أن فيها إنفلات أمنى بس ما زال فيها قانون، وإحنا عايزين بلدنا تبقى دولة القانون بعد الثورة وبالطريقة بتاعتنا دى إحنا بنساهم فى الفوضى إلى فى البلد، وبنساهم فى تدمير ما بقى من قانون فى هذه البلد، وتخيلوا لو كل الناس تاخد حقها بالطريقة دى هتبقى حرب أهلية.

ثانى حاجة أيش ضمنكم أن ممكن تتعامله معاملة البلطجية من قبل أهالى المنطقة أو من قبل دورية جيش أو شرطة مارة بالصدفة وساعتها هتبقى أحكام عسكرية على كل إلى شارك فى الموضوع ده خصوصاً وأنكم هتستخدمه بنادق رش ومسدسات صوت ببلى.

ثالث حاجة أيش ضمنك أنكم ممكن تأذه ناس أبرياء وأطفال يتصادف وجودهم بالصدفة.

رابع حاجة أيش ضمنكم أنه ممكن تعمله عاهة مستديمة لواحد من الناس دى كان دوره فقط أنه كان موجود مع المجموعة الى هاجمت أستاذ أحمد

خامس حاجة أيش ضمنكم أن صاحب الشركة والى معاه مرخص مسدس ,استخدمه فى الدفاع عن نفسه وأنا مش بتكلم أنه ممكن حد يتصاب فيكم برصاص حى ولكن أبسط حاجة ممكن رصاصة تقتل طفل فى بلكونته.

دى كلها إحتمالات كبيرة وارد حدوثها.