استفسار عن الفرق بين المقذوف نمرة 1 ونمرة 2

[rock]

المشاركة الأصلية كتبت بواسطة adel152

احمد باشا بعد التحية
انا ح أختلف معاك المرة دى يابرنس فى موضوع فوق ال 300 متر/ث.
البى اس ايه r10 نمرة واحد فرجن f سرعتها 225 متر/ث (فى هذا الفيديو) اتفرج بتعمل ايه فى الارانب.
خالص تحياتى.

http://www.youtube.com/watch?v=d2dt5ww0uco

السلام عليكم ... ياباشا ده اللى كنت بقوله ... البنادق الرش سلاح قوى ومزود بدقه هائله ... ومهما كانت البندقيه ضعيفه طالما دقيقه يبقى شغال وممكن تتحكم فى المسافه بالرش ومميزات الاشكال المختلفه فى الرش واللى اكيد هتختلف فى السرعه ... وفيه حاجه غريبه حصلت معايا ممكن نستفيد منها فى موضوع الدقه ... كنت بصطاد مع اتنين صحابى ومره واحده لقينا غراب ومحدش معمر غير العبد لله ... والفالك كانت عايزه جلبه وبتنفس بس الدقه تمام ... والمسافه تقريبا 50 م ... ورحت مديله راح واقع من على شبكة المحمول على الارض ولا شوال فحم ... قصدى من الموضوع ده ان المفروض الواحد ميفقدش الثقه فى بندقيته ويجرى يخليها اسرع واقوى ... مع ان اللى معاهم السلافيا وبيضربوا بيها يراهنوا اى حد على اى هدف ... والحسنه الوحيده فى البنادق الجديده انها قويه شويه ... ولو تلاحظوا ان العمالقه فى السرعه مبيركبش عليهم تليسكوب ... ولو ركب مفيش طرائد وكله مسروق وهيقع بعد 2 كيلو ... الدقه هى الاساس ...والقوه المتوسطه هى الافضل فى النمره 1 ... تحياتى .

[عادل عبده]

المشاركة الأصلية كتبت بواسطة rock

السلام عليكم ... ياباشا ده اللى كنت بقوله ... البنادق الرش سلاح قوى ومزود بدقه هائله ... ومهما كانت البندقيه ضعيفه طالما دقيقه يبقى شغال وممكن تتحكم فى المسافه بالرش ومميزات الاشكال المختلفه فى الرش واللى اكيد هتختلف فى السرعه ... وفيه حاجه غريبه حصلت معايا ممكن نستفيد منها فى موضوع الدقه ... كنت بصطاد مع اتنين صحابى ومره واحده لقينا غراب ومحدش معمر غير العبد لله ... والفالك كانت عايزه جلبه وبتنفس بس الدقه تمام ... والمسافه تقريبا 50 م ... ورحت مديله راح واقع من على شبكة المحمول على الارض ولا شوال فحم ... قصدى من الموضوع ده ان المفروض الواحد ميفقدش الثقه فى بندقيته ويجرى يخليها اسرع واقوى ... مع ان اللى معاهم السلافيا وبيضربوا بيها يراهنوا اى حد على اى هدف ... والحسنه الوحيده فى البنادق الجديده انها قويه شويه ... ولو تلاحظوا ان العمالقه فى السرعه مبيركبش عليهم تليسكوب ... ولو ركب مفيش طرائد وكله مسروق وهيقع بعد 2 كيلو ... الدقه هى الاساس ...والقوه المتوسطه هى الافضل فى النمره 1 ... تحياتى .

حبيبى والله ياروك باشا يا موسوعه كل شويه بتخلينى احب الموزه الرمسيس بتاعتى اكتر ربنا ميحرمناش من ردودكو المشجعه ديه ابدا انا كده شكلى مش هفكر اغير ياجدعان
هههههههههههههههههههههههههههه

[hoka]

المشاركة الأصلية كتبت بواسطة essam assem

حوكا ياجامد بس كلامك صح فعلا نمرة قفل خنزير بري بالبندقية الجامو الاكستريم نمرة واحد وشفت الفيديو دة بس مع الاسف أنا بردو بعمل المشاركة دية التليفون واول ما هخش علي الاب هنزل الفيديو دة او اللي يسبق يا حوكا ومساء الفل عليكم جميعا

يا باشا والله بعض ما عندكم احنا بنتعلم بردو
انا بس عاوز اقنع الناس ان مفيش فرق فى العيارات طالما الشخص محترف فى الضرب بيها
ده جنود مصر زمان كانو بيقنصو الاسرائيليين بالكلاشينكوف اللى المفروض الخزنه منه بفرد او اتنين بالكتير لا وكمان كل طلقه بجندى اسرائيلى
فكره السرعه والقوه مسيطره على بعض الصيادين وهى السرعه مش وحشه بس ما نهملش دور البنادق الضعيفه
طب انا هاسألك سؤال
لو بندقيه سرعتها 100 متر فقط بس ضربت برش ريد فاير على ارنب مش هاتموته؟؟
حد هايقولى استحاله هاقوله يا سيدى انا مش بقولك هاتجيبه من مسافه 100 متر وديه بخبره الصياد ومهارته والاستاذ طلعت بخيت كان بيقولى بيقرب من البطه 20 متر!!!!!!!!!
يا جماعه استاذ طلعت مصطاد الطائر الابيض الكبير اوى ده بالسى اف اكس رويال 190 متر وضاربه فى صدره
ديه اسمها الخبره والمهاره
هو مش فيه واحد عينه حلوه وايده ثابته وبينشن ع راس الدبوس ويجيبها وينزل يصطاد يرجع بواحده؟؟
وواحد تانى لابش نضارتين مش نضاره وايده فيها الرعاش وماسك بندقيه مهربده وبينزل يقضى ع اليمام
وعلى رايك يا استاذ عصام الثقه بتلعب دور كبير اوى فى الصيد ونجاحه ربنا يخليلنا مواضيعك الجامده ديه وتفيد بيها الاعضاء

المشاركة الأصلية كتبت بواسطة عادل عبده

ياباشا انا هختلف معاك كتير جدا فى الكلام ده ومع ذلك انى مش خبره خالص زى الروك او حوكا السفاح انا من تانى طلعه ليا الاولى كانت مع حوكا الكبير جدا والتانيه كانت مع راجل مبتدء زى حالاتى وكنت غيرت سوسته لموزتى الرمسيس اللى كله بيقول عليها ابطئ بندقيه واللى عاوز اقوله لحضرتك انها سرقت كل اليمام وكنت برده بحاول اضربه فى مناطق حساسه والغراب اللى ضربته فى صدره كان هيتسرق وطار بتاع 50 سم وراح نازل زى الطوبه
يعنى الخلاصه برغم انه غراب وكان برده هيتسرق وكنت بضرب برش رمايه يعنى مش حلو اووووى
وشكرا

يا ابو عادل سفاح مين بس انت اللى عديت ياريس خلاص وربنا يخليك بس بلاش كده لحسن اتغر وافتكر انى صياد ولا حاجه
ولعلمك الرمسيس بتاعتى بتسرق بردو وبطريقه غبيه لدرجه انى اضرب اليمامه فى ضهرها وبردو تطير وتقع مسروقه فوق سطح او حاجه

المشاركة الأصلية كتبت بواسطة xman

خلاص جهزوا الرش و انا الخرطوش و ننزل العريش و نشوف مين يقدر علي الارنب الجبلي الاحمر

يا سيدى الفاضل استاذ عصام عاصم خده معاك هايوقعلك بنى ادمين مش ارانب
ما شاء الله عليه والكلام ده ثقه ووووووووووووش يعنى
انا بس لولا انى ما ضربتش على ارنب بالرمسيس قبل كده كنت قلتلك اقبل التحدى ولكنى اتحداك فيديوهات ع النت اغلبنا شافها
اقولك ايه بس لكن لو معايا اكستريم نمره 2 هاوقعلك بيها تيران مش ارانب لان والله الطريده ما بالبندقيه خالص الصيد بالصياد وانا اعرف واحد اصطاد افعى ببندقيه رمسيس واسال احمد روك عليه
طب تصدق وتامن بايه؟؟
ان انا فيه بندقيه لو جبتهالى والله لاوقعلك بيها زرافه مش طور بس
يا افندم ادخل ع النت وابحث عن البنادق السوماترا والسام يانج وشوف صيدهم
هم بنادق ضغط هواء بس عيار 50 و45
البنادق ديه بتوقع دببه!!!!!!!!!!!!

المشاركة الأصلية كتبت بواسطة amr aly

اذن كله بيأكد ان نمره واحد تصطاد بيها اي شئ معتمدا علي السرعه و طاقه الحركه الكبيره و الاختراق العالي، المهم ايضا معرفه ان معامل الانسيابيه b.c‏ للرش و مقاومه الهوا

يا افندم انا بقول ان الصياد الماهر يوقع اى هدف حتى لو من غير بندقيه

المشاركة الأصلية كتبت بواسطة rock

السلام عليكم ... محدش قال انها ممكن تضرب اى حاجه ... بس لو بندقيه قويه نوعا ما (فوق ال 300 /ث ) واختيار نوع رش مناسب للطريده ... ممكن ... انا بقول ممكن تضرب بيها ارانب وبط ... لكن اكبر من كده ... معتقدش ... تحياتى .

يا رووووووووووك
طب ما انا ضارب قط بالمارفيك واتقفل
ده غير ان انت كاحمد لو معاك رش الريد فاير او الهولو بوينت مش هاتوقع بيها تعالب؟؟؟
انا اراهن عليك يا روك انك تعملها بالمطوه الباك بتاعتك كمان
هههههههههههههههههههه
حبيبى ياريس

المشاركة الأصلية كتبت بواسطة adel152

عصام باشا بعد التحية
بعد اذن سيادتك انا ح اريحك واريح ا/حوكا من السباق ده ودول الفيديوهين للجامو اكستريم نمرة 1 والخنزير البرى.
خالص تحياتى.

http://www.youtube.com/watch?v=ugyo7dcf1n8

http://www.youtube.com/watch?v=iuuclc0zhhq

يا سلام عليك يا استاذ عادل ربنا يخليك لينا
شكرا ع المساعده وياريت تدورلهم كمان ع البنادق السوماترا والسام يانج عيار 25 و50 وتوريهم بتصطاد ايه

المشاركة الأصلية كتبت بواسطة عادل عبده

حبيبى والله ياروك باشا يا موسوعه كل شويه بتخلينى احب الموزه الرمسيس بتاعتى اكتر ربنا ميحرمناش من ردودكو المشجعه ديه ابدا انا كده شكلى مش هفكر اغير ياجدعان
هههههههههههههههههههههههههههه

مش هاقولك غير جرب على كل الاهداف واكتر من مره يا ابو عادل لان انا ما وقعتش غربان من اول مره بس جربت وادينى اتعلمت
واى طريده اكبر هاحاول عليها بردو لحد ما اتعلم ومفيش حاجه صعبه طالما فيه رقبه ودماغ ومهاره صياد


وفى الختام معلش طولت على حضراتكم اوى وشكر خاص للاستاذ عادل على مساعدته لينا وياريت تكون الفكره وضحت لصاحب الموضوع بس فى النهايه انصحك بالنمره 2 لان الصيد بتاعنا هايتسرق منك بالسرعه العاليه الا لو حضرتك خبير فى النمره 1 او بتضرب من مسافات
وما تنساش يا اكس مان تاخد استاذ عصام معاك علشان ترجعولنا بغدوه ارانب كده عاوزين نجرب بقى حاجه جامده والله ما هزار لكن فعلا نفسنا نشوف صيادين مصر بيطادو الحاجات الجامده ديه لان حضراتكم اجمد صيادين فى مصر
سلام عليكم

[adel152]

المشاركة الأصلية كتبت بواسطة hoka

يا سلام عليك يا استاذ عادل ربنا يخليك لينا
شكرا ع المساعده وياريت تدورلهم كمان ع البنادق السوماترا والسام يانج عيار 25 و50 وتوريهم بتصطاد ايه

سلام عليكم

سلام ورحمة الله وبركاته
يافندم حضرتك تأمر.
شوف الفيديو ده وطبعا الحاجات دى بالنسبة لنا للفرجة فقط مااعتقدش حتى انها ممكن تيجى مصر رغم اسعارها الزهيدة.
خالص تحياتى

YouTube

YouTube