البلطجة وتعديل الأسلحة والدفاع عن النفس

[mman2005]

موضوع أتفق معك فى أغلبه

بس دلوقتى الشرطة أساسا مش موجودة فى الشوارع وفالحين بس يتشطروا على إلى شايل مسدس صوت، فى حين أن فيه عائلات فى الصعيد وسيناء عندهم أر بى جى وصواريخ مضادة للطائرات، برة تقدر تخش أى محل سلاح وتشترى بندقية آلى بدون ترخيص.

إقتناء السلاح ليه مميزات وليه عيوب، بس أعتقد فى ظل عدم وجود أمن مميزاته أكثر، وبعدين حضرتك بتتكلم على نقطة السلاح المرخص، أرخص سلاح مترخص دلوقتى ب 24000 جنيه وأغلب المصريين مش يقدروا يدفعوا المبلغ ده فى مسدس، أنا بقالى سنة ونصف متجوز وعمال أخش جمعيات وضاغط على نفسى علشان اشترى عربية ولسة يا دبوك هكمل 20 ألف بالعافية، تخيل بقى لو فكرت اشترى مسدس حلوان مترخص محتاج سنتين حرمان وممكن وقتها هيكون المسدس سعره غلى، يعنى الحكومة عندنا لسة فكرها مش أتغير، لما يبقى ارخص مسدس مترخص بالمبلغ ده، أنا كنت فى الوجه البحرى من كم يوم وأتكلمت مع واحد على موضوع إنتشار الأسلحة فى مصر وعندهم ولما قلتله على المسدس حلوان أبو 24 الف قالى ليه، فى أى ورشة خراطة أعمل مقروطة بروحين بأقل من 500 جنيه، فين العدالة الإجتماعية إلى قامت علشانها الثورة لما الأغنياء فقط وظباط الجيش والشرطة والعاملين فى الأماكن الحساسة هما الى بيقدروا يشتروا ويرخصوا سلاح فى مصر وكأن الفقير ده درجة عاشرة.

وزى فى الصعيد لما الشرطة بتحترمهم وبتخاف منهم علشان معاهم سلاح برده لازم كل المصريين يبقى عندهم حق إمتلاك سلاح، يا راجل أنت مش تقدر تمشى ببندقية رش فى الشارع لو واحد ظابط شافك مش قادر على البلطجية هيجى يتشطر عليك ويعملك محضر.

[سامح عاشور]

المشاركة الأصلية كتبت بواسطة mman2005

بس دلوقتى الشرطة أساسا مش موجودة فى الشوارع وفالحين بس يتشطروا على إلى شايل مسدس صوت، فى حين أن فيه عائلات فى الصعيد وسيناء عندهم أر بى جى وصواريخ مضادة للطائرات، برة تقدر تخش أى محل سلاح وتشترى بندقية آلى بدون ترخيص.

الشرطة موجودة وبدأت تنزل طبعاً مش بنسبة 100% ولا زي زمان بس المفروض نساعدهم.

ومش في اي مكان برة تقدر تجيب آلي بدون ترخيص, في بعض الولايات زي ألاسكا مثلاً بدام عديت 18 سنة تقدر تشتري مسدس وتمشي بيه عادي من غير تصريح, بعض الولايات مسموح فيها برشاش نص آلي, في ولايات بنادق الصيد والمسدسات بس.

المشاركة الأصلية كتبت بواسطة mman2005

إقتناء السلاح ليه مميزات وليه عيوب، بس أعتقد فى ظل عدم وجود أمن مميزاته أكثر، وبعدين حضرتك بتتكلم على نقطة السلاح المرخص، أرخص سلاح مترخص دلوقتى ب 24000 جنيه وأغلب المصريين مش يقدروا يدفعوا المبلغ ده فى مسدس.

ده غلط طبعاً بس محدش يقدر يقول إنه السبب الوحيد.
والمصريين بيدفعوا أكتر من كده كل سنة على الموبايلات والحوارات, إحنا معانا فلوس بس بنصرفها غلط.

المشاركة الأصلية كتبت بواسطة mman2005

وزى فى الصعيد لما الشرطة بتحترمهم وبتخاف منهم علشان معاهم سلاح برده لازم كل المصريين يبقى عندهم حق إمتلاك سلاح.

أنا قلت البلطجية اللي بتخاف منهم مش الشرطة (مفيش هناك شرطة أصلاً قاعدين في أماكنهم مش بينزلوا إلا بعد الاحداث).

وأنا موافق طبعاً على إعطاء التراخيص بدون شروط تعجيزية.


تحياتي