تصنيع الأسلحــــــــــة فى مصــــــــــر

[koktal]

هم متفوقون فى التسليح ليس إلا .. وهذا أكبر دليل على جبنهم وخوفهم وهلعهم الشديد ولكن من حيث التدريب والقوة .. طبعا انت عارف مين الأفضل ..

[sniperwolf500]

المشاركة الأصلية كتبت بواسطة koktal

هم متفوقون فى التسليح ليس إلا .. وهذا أكبر دليل على جبنهم وخوفهم وهلعهم الشديد ولكن من حيث التدريب والقوة .. طبعا انت عارف مين الأفضل ..

نحن أفضل بعزتنا وإيماننا بالله وبقدر هذا الوطن وهذه الأمة ... ولكن التدريب علي مستوي الجنود وليس الضباط في أدني مستواه ... الجندي المجند الإسرائيلي تدريبه أعلي من مستوي الجندي المصري والدليل هات اي واحد خارج من الجيش اديله بندقية رش حتلاقية يامساكها غلط يا بينشن غلط دا غير ثقافة الجندي المصري الخاصة بالأسلحة لا تتعدي السلاح الي فأيده وعدد ساعات الرماية ضئيل لا يتجاوز الساعتين فالسنة وده رقم حيكي ميكي بالنسبة لعدد ساعات الرماية للجندي الإسرائيلي والتي تتجاوز الساعتين أسبوعيا ماهو بني ادم وأنت بني أدم هو مش مخلوق من دم الفراخ يعني فيهم الشجاع والجبان أكيد مش كلهم جبناء ومش كلهم شجعان بس النظريات القتالية بتقول أنه عند زيادة عدد ساعات التدريب للجندي تزيد معدلات شجاعته وخبراته القتالية استنادا لتدريبه (وأعدوا لهم ما استطعتم) والتدريب تعبان كده ... دا غير أن كل الجنود الاسرائليين ثقافتهم التدريبية خارج الجيش عالية بسبب أندية الرماية ومحلات اقتناء الأسلحة الي مرمية عندهم فكل حته بمختلف انواع الاسلحة ...

ياسيدي الفاضل أحنا مش بنحارب بضباط بس الضابط ده فرد من ضمن 70 جندي لو واحد بيفهم والباقي لأ يبقي عليه العوض لازم يكون التقارب الفكري ليست مجرد اوامر يجهلها الجندي ...

مثل التكتيكات الجماعية رتل - رأس السهم - وغيرها من التشكيلات ومتي وكيف تستخدم

والله انا مش محبط ولا حاجة بس أنا مؤمن بأن الإعتراف بالمشكلة اول الطريق لحل المشكلة

الرجل العسكري الصح مش بيلعب علي متغيرات الجنود الي بيحاربه بيأخذها بالإعتبار أه ولكن لا يعتمد عليها زي أيه شجاعته وجبنه سرعة تصرفه وذكاءه ... إلخ بل علي العكس أول طريق التفوق أن الجنود والضباط لازم يكونو فاهمين انه بيحارب وحش وغول ولقتل ذلك الغول يجب عدم التهاون والتراخي ساعات لما أشوف الفيديو الي زي منظومة تروفي اقول دول جبنه بس لما أفكر صح ألاقي أنهم العكس دول هما الي صح واحنا نايمين هما بيفكرو إزاي يحرموك من ميزتك الأساسية جندي المشاه وازاي يكون غير فعال فالتعامل مع مركبات العدو الي العدو بيستخدمها للإلتفاف ومحاصرة القوات والي بيستخدمها لتغطية ونقل جندي المشاة العادي لتنفيذ مهامه .... المفروض لما نقابل تحدي زي ده اول حاجة نقولها أحنا ازاي سيبناهم أصلا يوصلو للفكر المتطور ده أحنا ازاي مفكرناش فالفكرة دي قبلهم أحنا فعلا نايمين ومن ناحية اخري نشوف حل للمشكلة يكون علمي وتقني وفعال نفاجئ به العدو لأن العدو لما بتحط 15 احتمال يجيلك منهم هو بيجيلك من الإحتمال 16 فلازم دائما نكون بالنفسية دي وده سر تفوق المسلمين علي الروم والفرس الدائم وسر خالد بن الوليد لا يفتأ عقله يخلص خطة وتكتيك إلا وكان يكون التالي بيخلص


التدريب البدني بعض من الكل العقل - الثقافة القتالية يمثلو من الجندي 70% من الحروب الحديثة

جنود مصر مش بيشتغلو ديليفري عند حد
جنود مصر المفروض يكونو
عيون الصقور
و
قلوب الأسود
و
شراسة الذئاب
و
مكر الثعالب