الحمد لله رجعت تانى اشوف المنتدى وقدر الله وماشاء فعل

[Bora]

المشاركة الأصلية كتبت بواسطة hogan

اصدقائى واخوانى بالمنتدى الذى اعتبره هو بمثابت بيتى الثانى

واشكر كل من اطمئن على سواء تلفونيا او برد على مشاركتى وبالاخص اخى والصديق العزيز محمد محمود وابو سيف


احب ان اقول لكل اصدقائى بالمنتدى ان الطلقات البلى لا تنفع بمثل الموقف الى وقعت فيه انا واسرتى

الموضوع كان على الدائرى فى اثناء عودتى من واجب عزاء

سياره سوزوكى فان تخرج من الطريق فى محاولات ايقافى وكان معى زوجتى وابنتى
الى سيق السياره السزوكى ضرب على الزجاج كيس ميه بتراب لمحاولة وقوفى وبعد كده ضرب على السياره بفرد خرطوش ادى الى اصابه زوجتى وقفت على جانب الطربق بعد اصتدامى بالخرسانه على الطريق جالى ولد بجانب السياره وضربنى بسنجه فى كتفى ادى الى اصابتى بخمس غرز وفى محاولته لاخراجى من السياره سحبت الطبنجه بتعتى من اسفل الكرسى واديته فى صدره وانا خارج من السياره اتنطر بعيد عن السياره بيجى 5 متر والتانى الى كان معاه ضرب طلقه خرطوش فى الهوا رديت عليه ب 3 طلقات اصيب فى رجله بس استطاع الهروب الكلام ده مخدش اكتر من 5 دقايق ما بين حدف الكيس المياه ونزول البلطجى واللهى الراجل ده شكله زباله وشه متقطع من كتر البشل الى فيه
وقفت ناس على الطريق والواد الى مرمى كان لسه فيه النفس سلمت نفسى مع ناس الى اقري كمين واتعمل المحضر والواد خدوه وعرفت انه خلص اول منقلوه المستشفه والنتيجه كالاتى
اصابة زوجتى بالكتف برش الخرطوش
اصابتى بجرح فى كتفى
فقدى لجنين عن عمر 3 شهور زوجتى نزفت من هول الموقف
وعند وكيل النيابه عرف اننا معنا ترخيص لحمل سلاح نظرا لظروف عملنا فى قطاع المقاولات والنقل التقيل وعرف الظروف والملابثات وما حدث معى من اضرار واللهى قلى انتا اجدع حاجه عملتها انك خلصت على حيوان حرام نقول عليه بنى ادم واب بيسنى وقلى اتفصل مع السلامه
وفى ثالث ايام العيد حدث ملم اكن اعلمه وهو قدوم عربيتين من اهل البلطجى لمكانى بشبرا وعيزين يخلصو عليا ونظرا لمكانت والدى فى المنطقه قاكت خناقه لرب السما بالسلاح وتم ابلاغ اخى لانه يعمل بالداخليه وجالى ومعاه ناس من الامن المركزى وعلى مجه المنطقه كانو كل حبيبنا قيمين بالواجب

ولهاذا ارجو من كل واحد يقابل بلطجى ميتفهش معاه لانه لو شافك قلقان منه انتا كده خلصت
لو سمحتو شووفو الصح واعملو

الاخ الفاضل الف حمد لله علي سلامتك والبقاء في الله في ولدك ورزقك الله خير منه

بس لي سؤال من خبرتك لانه هام جدا تنصحنا ونستفاد من خبرة حضرتك لان نحن الذي نحمل ترخيص حي من الممكن ان ندخل السجن لجهلنا الخطوات او لو البلطجي مات ومافيش شهود وسامحني ولو بسال بس واجب عليك مساندة اخوانك وشرح لنا ماهو الواجب عملة

وهام جدا شرح سرعة رد الفعل والواجب عملة

وبرجاء من الادارة تثبيت هذا الموضوع للاهمية

1- هل الناس كانت وافقة معاك ولا مع البلطجية في الهجوم عليك في الدائري لان في ناس كثيرة بتفتكر اللي مرخص سلاح ده ظالم وبيتعاطفوا مع البلطجية

2- هل فعلا مثل كل من قالي البلطجية دول جبناء في حالة توافر سلاح حي وفعلا في القانون ملهمش ثمن

3- هل تعامل الناس معاك بعد الموقف ده جيد ولا حركات سلم سلاحك ومتتحركش علشان الشرطة لما تاتي ولا ايه

4- هل الصح انك تبلغ النجدة من تليفونك ام تترك البلطجية غارقين في دمهم وتسلم نفسك لاقرب قسم شرطة

5- هل صح انك لو مصاب او معك حد مصاب من اهلك او اصدقائك تبلغ الشرطة من الموبيل وتتوجه لاقرب مستشفي

- هل لوا ضربت نار واصبتهم وجريت لاسعاف اهلك هل ده معناه في القانون الهرب والصح ايه

- لو لم تبلغ الشرطة لعدم وجع الدماغ الصح ايه

6- هل تعامل القسم معك بعد ان سلمت نفسك اخذوا السلاح منك ولا عملو ايه والموضوع كان لازم تظل بالقسم حتي تعرض علي النيابة ولا الموضوع كان ايه لان الواحد مش عارف وهل النيابة بتطلب شهود ولا كفاية الاصابات التي حدثت لك

7- هل يجب توقع رد فعل انتقامي من اهل البلطجية وده بيخلص من انك تصديت لهم ولا الموضوع ابعادة ايه

8- هل البلطجية حررت لهم محضر بالتعدي الثاني عليك لتامين نفسك والصح ايه

معلش اعزني اصلي ساكن في مدينة برج العرب وكل يوم علي الطريق الصحراوي رايح جاي

والسؤال محيرني اعمل ايه لو تعرض لموقف فية ناس معاها سلاح علي الطريق