ما تيجو يا جماعة نعمل طلبية

[Andria]

المشاركة الأصلية كتبت بواسطة mman2005

أنا بقترح أننا نعمل طلبية مجمعة ببندقية ونشوف أى تاجر فى المنتدى يقدملنا سعر كويس على الطلبية ونروح جماعى فى يوم ندفع المبلغ فى المحل ونشترى الطلبية بسعر حلو، وأنا حالياً بصراحة بفكر فى البندقية الكرال ماجنوم كسر نمرة 2 دبشك خشب داخلة دماغى خالص وتعتبر من الإنتاج الجديد إلى مفهاش عيب الجلبة والسوستة والبندقية هاى بور وسرعتها 240 متر فى الثانية وسعرها عند محل خضر فى الإسكندرية فى العرض 1300 جنيه وأخر مرة واحد سأل أستاذ هيثم قاله 1350 جنيه، إيه رأيكم نجمع طلبية بعدد 10 -15 بندقية ونشوف تاجر محترم يقدملنا سعر كويس فى البندقية ونتفق على يوم فى الإستلام، يا ريت إلى عجباه الفكرة وعنده النية يشارك فى الموضوع ده، ونتريث شوية لحد ما موسم الصيد يخلص يمكن الأسعار تنزل كمان، بس يبقى فيه موضوع نجمع فيه طلبية وفى الوقت المناسب نشترى، وشكراً.

فكره جميله بس يا باشا ما تتوقعش ان التجار هاينازلو اكثر من 100 جنيه مع الكميه أنا رأيي انك تشتري دلوقتي واستمتع بالصيد عشان الاستراد واقف وممكن متلاقيش حاجه تجبها

[mman2005]

المشاركة الأصلية كتبت بواسطة andria

فكره جميله بس يا باشا ما تتوقعش ان التجار هاينازلو اكثر من 100 جنيه مع الكميه أنا رأيي انك تشتري دلوقتي واستمتع بالصيد عشان الاستراد واقف وممكن متلاقيش حاجه تجبها

أمال يا باشا البنادق الكرال انتاج 2011 دى جت منين، حتة وقف الاستيراد دى مش مفهومة لأننا بنلاقى انتاج جديد بينزل السوق، مبقناش عارفين إيه الحكاية، بس لو مفيش إستيراد بنادق جديدة مكنشى سعر الكرال نزل من 1600 جنيه ل 1300 جنيه الطبيعى أن السعر بإستمرار يعلى نتيجة لنقص المخزون.

[Andria]

المشاركة الأصلية كتبت بواسطة mman2005

أمال يا باشا البنادق الكرال انتاج 2011 دى جت منين، حتة وقف الاستيراد دى مش مفهومة لأننا بنلاقى انتاج جديد بينزل السوق، مبقناش عارفين إيه الحكاية، بس لو مفيش إستيراد بنادق جديدة مكنشى سعر الكرال نزل من 1600 جنيه ل 1300 جنيه الطبيعى أن السعر بإستمرار يعلى نتيجة لنقص المخزون.

وكمان إحنا هنعرف منيين انها 2011 بجد أنا مش لاقي اي تاريخ عليها

[mman2005]

المشاركة الأصلية كتبت بواسطة andria

وكمان إحنا هنعرف منيين انها 2011 بجد أنا مش لاقي اي تاريخ عليها

التجار يقولون ذلك، وبعد الأخوة فكوا البندقية الجديدة ووجدو إختلافاً فى السوستة والجلبة عن الإصدار القديم.

[Andria]

المشاركة الأصلية كتبت بواسطة mman2005

التجار يقولون ذلك، وبعد الأخوة فكوا البندقية الجديدة ووجدو إختلافاً فى السوستة والجلبة عن الإصدار القديم.

يا باشا مانا عارف وانا شوفتها وهيا بتتفك كل الي لقيناه مختلف هوا دليل السوسته من المعدن وليس الفبر بس موضوع اختلاف السوسته و الجلبه عمرو ما هابان بالعين لازم التجربه

[mman2005]

المشاركة الأصلية كتبت بواسطة andria

يا باشا مانا عارف وانا شوفتها وهيا بتتفك كل الي لقيناه مختلف هوا دليل السوسته من المعدن وليس الفبر بس موضوع اختلاف السوسته و الجلبه عمرو ما هابان بالعين لازم التجربه

طب يا أستاذ أندريا الكرال الرماية الجديدة الى معمول عليها عرض فى المنتدى ولسة نازلة طازة مبقلهاش أسبوعين كموديل جديد، يعنى فيه حاجات جديدة بتدخل مصر، وأى حاجة ممنوع دخولها مصر هتلاقيها متوفرة وموجودة فى المحلات، التكتك ممنوع دخوله مصر وأعداده دلوقتى فى شوارع القاهرة أكثر من البنى أدمين, يعنى عايز أقول لحضرتك حتة أن الإستيراد مقفول بنسمعها عليها بقالنا فترة كبيرة وكل شوية حاجة جديدة بتدخل، يبقى منسمعشى لكلام بعض التجار أن الإستيراد مقفول.

[dr_mohasan]

المشاركة الأصلية كتبت بواسطة andria

وكمان إحنا هنعرف منيين انها 2011 بجد أنا مش لاقي اي تاريخ عليها

الطريقة الوحيدة للتفريق بينهم أن 2011 فيها دليل معدن للسوستة مش فيبر , وده طبعا مش ممكن يتعرف الا لما نفك البندقية , لو فيه حد من الخبراء يعرف فرق تانى ظاهر , تبقى حاجة مفيدة جدا