مسدسات الغاز بتتباع فين ؟

[H_SRM]

الغاز بيفضل فيه اكتر من اسبوع
طيب وبعد الاسبوع لما يتسرب الغاز يبقى كيدا راحت عليك الانبوبة وتدفعك 7 جنيه تانى

كل ما المسدس بيكون نظيف كل ما الغاز بيفضل فيه يعني لو مسدس نظيف انظف من جامو والتر لو سبت الانبوبة فيه شهر مش هتنفس, واللي هيشتري سلاح اي كان ب 1000 او 1500 مش هيقول انبوبة ب 7 جنيه لان الاسلحة عايزة تكلفة بشكل عام اي كانت.

من مسافة 12 متر الرشاية دخلت الشجرة كلها.
هل الرشاية المصنوعة من الرصاص الذى سهل يتشكل (بيتعجن مع الاستضام) عنده القدرة على اختراق خشب شجر ؟؟؟؟

والله ده اللي حصل ويومها صورت الرشاية بس الموبايل اللي كان معايا كان watch phone بس الكاميرات بتاعته تعبانة فماطلعتش واضحة, وما اعتقدش اني مش هقول الحقيقة علشان مسدس رش لا هو قريبي ولا صاحبي :d علاوة على ذلك ما الرشاية اللي مصنوعة من الرصاص هي هياها لو جت في دماغ طائر بتفرتكها اللي هي عظم فازاي حضرتك مستغرب من انها تخترق شجرة ؟؟

مسافة 12 متر مسافة قصيرة جدا بالنسبة للصيد بمعنى فى ارض الواقع لو جيه هدف 30 متر والشخص معاه المسدس هيعمل بى ايه ؟؟ اذا لا يعتمد عليه فى رحلة صيد
تنفع رماية

12 متر ده اخترق ودخلت يعني تقدر تقول 15 او 20 متر ده المدى المؤثر طبعا كل ما قل كل ما كان التأثير اقوى, على الاقل 20 او 25 متر هتوصل للهدف اللي غالبا بيكون ورقة فمش معقول مش هيخرم الورقة غير ان مسدسات الرش استخدامها الاول الرماية.

وبعد لما الشخص ينش تمام بمسدس الرش هل اصبح كيدا يجيد الرماية ؟؟؟ طبعا لا ... لانه لما يمسك البندقية اللى هى اساس الصيد الوزن والوضع هيختلف يبقى درجة اجادته برماية مسدس الرش لم تفيده

لا طبعا مع احترامي ليك انت في مسابقات الرماية مش بيكون برضوا فيه مسدسات ولا بتكون مقتصرة على البنادق؟؟؟؟ غير ان الرماية سواء للصيد او للدفاع عن النفس لو دفاع عن النفس مش هتجيب بندقية تدافع بيها عن نفسك بيكون معاك مسدس.

صيد من مسافة صغيرة
طب لو كبيرة يبقى ايه العمل وهل معقول الشخص يطلع يصطاد معاه مسدس للمسافات الصغيرة وبندقية عشان الكبيرة

انا بقول انه ينفع للصيد مش هنجيبه للصيد فرق كبير بين المعنيين, يعني لو قدامك يمامة 10 12 متر هتجيبها لكن مش بقول هاتوه للصيد.

دفاع عن النفس
بالنسبة للمسدس الحى او البلى بيستخدم للدفاع لان الشخص فى جميع مشواريه بيكون المسدس معاه فى اى مشوار ...

والله انا شايفه كدة وغيري شايفه افيد واحسن من البلي على الاقل هتضمن وصول الرشاية مسافة لا تقل عن 15 متر في المكان اللي انت عايزه, اما البلي فكل التجارب بتقول انه ايوة قوي وبيخرم خشب بس انت وحظك بئا مالت 10 سم او 15 سم او مارحتش خالص او حشرت فوقتها هيكون المثل هو نص العما ولا العما كله :d يعني بالنسبالي مسدس رش وتاثيرة اضعف من بلي بس اضمن من بلي ممكن اصلا ما تروحش ناحيته.

بالنسبة للمسدس الرش الكسر طبعا مش هينفع لانه رشة واحدة
بالنسبة للمسدس الغاز هلى من المنطقى ان كل اسبوع اشترى انبوبة غاز ب7 جنيه عشان لو حصل حاجة ابقى استعمله

ياباشا وحد قالك كل اسبوع ركب واحدة ؟ انت لو جبت مسدس نظيف حتى لو والتر الافضل انك ما تسيبش الانبوبة فيه الا لو استخدام يوم او اتنين او ثلاثة لان بيأثر على الجلبة الموضوع زيه زي البنادق لو حطيت رشاية وسبتها من غير ضرب الموضوع هيأثر على الجلبة أو السوستة, فالمفروض لو معاك جامو تحط الانبوبة وتربط قليل بحيث لو على الاستخدام هتلف لفة او اقل وتبقى جاهزة معاك ده لو عايز تبقى في وضع تأهب :d

بالنسبة للواقع العملى : لم نرى مثلا فى قسم فيديوهات الصيد شخص يمسك مسدس بدلا من بندقية او شخص ذكر انه خرج رحلة صيد بمسدسه الغاز

ولم نسمع عن شخص اتخذ مسدس الغاز كسلاح شخصى لحمايته بالاضافة ان ليس له صوت يذكر لتهديد المعتدى

والله انا معايا المسدس من 3 شهور ماجتش فرصة اصلا اطلع اصطاد او اشوف قوته الحقيقة لكن اي كانت فهو بالنسبالي احسن من البلي اللي مالوش الا استخدام واحد فقط وعلشان تجربه عايز تروح مكان بعيد علشان الصوت غير عدم مشروعيته اللي حاليا ممكن تبيت الواحد في التخشيبة.

غير اني متيقن انه في الدفاع عن النفس جامد وده عن تجربة للاخ محمد راتب اللي عور بيه بلطجي ايام اللجان الشعبية غير انه مفيد للرماية وشايف انه انسب وسيلة للرماية.

هي وجهات نظر ياباشا ودي سنة الحياة اختلاف الاراء لاني مش بدافع عن المسدس من منطق ان ليا صلة شخصية بيه ههه لكن من دافع غلط في المصريين وهو الحكم على الحاجة من خلال اول تجربة بدون النظر لايه الاداة المستخدمة وجودتها لاني متأكد ياباشا انك ما جربتش الا مسدس واحد وتعبان علشان كدة اخد الصورة السودا دي عنه :d أو حد نقلك تجربة فياريت حضرتك تقولي انت الخلفية اللي خدتها عن مسدس الرش دي بناءا على تجربتك مع مسدس ايه؟؟

وبخصوص الصوت انا اخر مرة رحت بين عمارات علشان اجربه مع واحد لسة بضرب اول مرة طلعلنا واحد قالنا معلش يا جماعة مش عارف انام, مش بقول ان صوته زي الصوت لكن ليه صوت مش زي ما الناس فاكر فيس فيس لا ليه صوت ضغط الهوا
وشكراً

[tarekvb]

واللي هيشتري سلاح اي كان ب 1000 او 1500 مش هيقول انبوبة ب 7 جنيه
ال1000 او 1500 بتدفع مرة واحدة يعنى مفيش ربط بين الفلوس المدفوعة وبين ثمن الانبوبة المتكرر والدليل ان علبة الرش اللى هى 250 رشاية كانت 25 لما ارتفع سعرها واصبحت ب30 يعنى فارق 5 جنيها فقط الناس كلها تضايفت وقالت استغلال بما فى ذلك من يملكون ديانات ب 6 و 7 الاف والكل تضايق لتكرار دفع ال5 جنيهات فى كل مرة يتم فيها شراء علبة رش ... اذا حساب التكلفة مهم ولما بنيجى بنقول راى بنقول راى عام لكل الاعضاء بمعنى ممكن يجى واحد عنده المقدره ويقول انا بجيب كل يوم 20 انبوبة غاز بفضيها فده مش مقياس لان تقيم السلاح بيبقى من كل الجوانب وطبقا لاغلب الاشخاص
اعتقدش اني مش هقول الحقيقة
طبعا انت بتقول الحقيقة مش اصدى اكدبك بس مستغرب

لو جت في دماغ طائر بتفرتكها اللي هي عظم فازاي حضرتك مستغرب من انها تخترق شجرة ؟؟
عظم خفيف مش بنفس قوة خشب الشجر

مسدسات الرش استخدامها الاول الرماية
متفق معاك يبقى لما واحد يقول انا عايز مسدس رش عشان اصتطاد بيه ماينفع ننصحه ونقوله هاتو لانه لو حاجة على مسافة كبيرة مش هيعرف يجيبها واى الافضل ننصح العضو اللى معاه 1500 يجيب بيها مسدس رش ولا يجيب بيها بنقدية كرال ؟؟؟؟؟؟؟؟؟؟؟؟؟؟؟

مسابقات الرماية مش بيكون برضوا فيه مسدسات
فيها طبعا مسدسات بس مختلفة عن مسدسات الرش وحتى بنادقها مختلفة عن بنادق الرش بمواصفات اخرى وبكرر ان العضو اللى بيسال عن مسدس الرش فى الغالب بيكون اصده صيد

انه ينفع للصيد مش هنجيبه للصيد فرق كبير بين المعنيين
كلام دقيق وتمام مقدرش اقول حاجة عنه يعنى الاختلاف بينا مش كبير انا كل تركيزى اننا مننصحش حد يجيبى يصطاد بيه اللى يجيبو يعرف امكانياته كويس

والله انا شايفه كدة وغيري شايفه افيد واحسن من البلي على الاقل هتضمن وصول الرشاية مسافة لا تقل عن 15 متر
متفق معاك بالنسبة للمسافة انما الواقع العملى مش محتاج المسافة دى لان البلى والدفاع بستخدم فى حالة تعدى سطو المسافة مش بتزيد عن 5 مت ويمكن كمان ممكن متر واحد اللى هيسرق او هيتعدى مش هيبعد 15 متر ويهدد يعنى المسافة الكبيرة غير مفيدة فى هذه الحالة

اما البلي فكل التجارب بتقول انه ايوة قوي وبيخرم خشب بس انت وحظك بئا مالت 10 سم او 15 سم او مارحتش خالص او حشرت فوقتها
كلام سليم عدى التعميم يعنى مش كل التجارب ولو الطبة تمام م هتنحرف 15 سم وسيبك من ده كله حاجةبسيطة اوى لو زى ماحضرتك بتقول مكنش الجاكال زاد 400 جنيه ومش موجود ومسدسات البلى كلها سعرها زاد لو اول 20 واحد اشتروا مسدسات البلى ولاقو ان فكرتها مش تمام تاكد ان رقم 21 مكنش اشترى
زيادة الاسعار للزيادة الرهيبة فى الطلب على مسدسات البلى
انك ما تسيبش الانبوبة
طيب لو شيلت الانبوبة بعد ماستخدمتها شوية الغاز مش هيتسرب فيها ؟؟؟؟

قبل كل شى انا سعيد بهذه المناقشة وسيادتك راجل محترم وذوق واختلاف مفيش فيه مشكلة لان وجهات النظر تتعدد وهكون سعيد لو راسلتينى على الخاص لمزيد من التعارف الشخصى لو حبيت