قريبا فالصحف المصريه

[diamond]

ولو احنا افترضنا فعلا ان مصر فى حالة مرض واعياء شديد فهل الطبيعى اننا نفضل نبكى عليها ونقول يارب استرها وبلاش تموت دى مصر دى حنينه علينا كلنا دى مصر دى غلبانه وملهاش ذنب فى اللى اتعمل فى عياله زمان ودلوقتى

زمان يا جماعه ومش زمان البعيد لااا تقريبا قبل الثوره بفتره الواحد من اللى كان بشوفه بيحصل للناس الغلبانه كان بيصعب عليه كتير وكنت بقول هو احنا مبقناش نسمع كلمة الغربه مره ولا الغربه صعبه وكنت بسمع عن شباب يفضل فى بلده هنا يتبهدل يمين وشمال مش لاقى شغل بس شغل يبنيله مستقبله مش يادوب ياكله ويشربه بالعافيه وكان الشاب من دول اول ما يسافر اى دوله ويشوف الفلوس والتقدير لعلمه او اجتهاده يصعب عليه نفسه ويصعب عليه اللى مشافوش من بلده كان الواحد بيوصل لمرحله كبيره فيها عدم انتماء ماهو هينتمى لايه ماهو مشفش حاجه حقيقيه ينتمى اليها لا معامله ولا اخلاق بينا وبين بعض واصبحنا كلنا بناكل فى بعض وكلمة مصلحتى فوق كل شئ اصبحت كلمه معروفه تكاد تدرس فى المناهج المنزليه اثناء التربيه الا ما رحم ربى طبعا

يعنى خلاصة الكلام كنا وصلنا لمرحلة ان الشعب نفسيا ووطنيا بيحتضر

لكن وفجاه الواحد صحى على شئ اسمه الثوره اللى ممكن نكون مختلفين بعض الشئ فى اسلوبها او نتائجها الا اننا مخدناش بالنا اننا ممكن والله نعمل حاجه وان دى فرصه ممكن احنا نحسن فيها من مستوى بلدنا يعنى مينفعش نكون قاعدين لسه بنبكى على اللبن المسكوب لو كل واحد فينا عمل اللى عليه والله اكيد ربنا هيكرمنا وهيسترها معانا كلنا والمقصود بكل اللى عليه يعنى كل واحد متميز فى عمل معين يجتهد فيه على قد ما يقدر وربنا هيكرم يعنى مش لازم تكون سياسى علشان تفيد بلدك اجتهد واخلص فى وظيفتك وحاول تخلى كل اللى حواليك فى العمل يجتهدو اكتر هتلاقى عملك ارتفع وزاد وانت بقيت فى حاله احسن وده مش كلام يا جماعه الموضوع ان زمان ممكن نشتغل 8 ساعات او عشره وبنكسب عشر قروش مثلا دلوقتى لان فى ظروف لازم نشتغل اكتر منه العشر ساعات علشان نحافظ على نفس العشر قروش وهنا بقى يبان اللى المجتهد من اللى مش عاجبه وقف الحال لانه عايز الفلوس تيجى لحد عنده اللى كان وقت عمله اه عشر ساعات لكنه مكنش بيشتغل منهم ساعتين كاملين بما يرضى الله لاااااااااااااازم كل واحد فينا يجتهد فى عمله ويوسعه بانه يفتكر حب لاخيك ما تحبه لنفسك يعنى لو اخويا مش لاقى شغل احاول اشغله احاول امده بسلعه يسوقهالى هيكون هو اشتغل وانا كمان وسعت قاعدة التسويق بتاعتى فى الظروف دى واوعو ننسى ان الله امرنا باتقان العمل فى كل شئ وده اساس نجاح دول كتير جدااااااا فعيب يكونو هما بيعملو باللى اصلاااا هو عندنا من مئات السنين يعنى النجاح الاقتصادى والاجتماعى عندنا بس احنا مش واخدين بالنا ويمكن يكون كل اللى اناا قولته صعب على ناس بس هو فى نجاح سهل ؟!... المهم اننا كمان مننساش ان ربنا وعدنا بان لكل مجتهدااااا نصيب يعنى على قد ما هتجتهد على قد ما هتلاقى مستحيل واحد بيتقن عمله وبيشتغل ال8 ساعتا كاملين زى واحد عارف انه هيقبض كده كده وبشتغل منهم ساعتين مستحيل ربنا يرزق ده زى ده لكل واحد فينا نصيب على قد اجتهاااااااااااااااااااده


احنا بس نعمل اللى علينا وربنا هيكرمنا وتفائلوا خيرا تجدوه......ولا انتو ايه رايكم فى الكلام ده ؟!...

وبجد اعتذر والله عن الازعاج وكثرة الحديث .
وشكرااااااااااا