اللى يدخل يصوت

[kefafy]

المشاركة الأصلية كتبت بواسطة shadymageed

مع احترامى لضرتك استاذ كفافى بس متهيقلى انته معرفتش الاحداث من اولها وبتتفرج على الاعلام اللى بتاع التلفزيوم احنا مضربناش طوب الا لما الامن ضرب المصابين المتضررين وانا شوفت منهم اللى كانوا مسكين شاب بعوكازين قالوا مش دى من 25 يناير طيب احنا هنكسرلك ايديك كمان علشان متعرفش تتحرك خالص وواحده ست منقبه كبيره فى السن مسكوها سحلوها وضربوها وضربوا ابنها المشلول علشان كانت بس واقفه فى صينيه ميدان التحرير بتطلب ان ابنها يتعالج وتاخد تعويض علشان اللى حصله لانها مش لاقيه يا جماعه متخدوش الكلام من الاعلام ولا اللى مع الثوره ولا اللى ضدها انزلوا بنفسكوا وشوفوا على الطبيعه لان الكلام اللى بيتقال ده هوه هوه نفس اللى كان بيتقال يوم 25 لحد ما الناس ابتدت تفوق وبعدين يا استاذ كفافى انته شايف نوع الغاز اللى بيضرب ايه ؟؟؟؟؟؟ انزل نزله وشم وشوف ايه اللى هيحصلك وبعدين انا اضربك بطوبه تضربنى انته ب اكتر من 10 قنابل فى نفس الوقت وغير الخرطوش اللى قطر البليه فيه 5 .... 5 يا محترم ده غير المطاطى اللى بينشنوه فى الخصيه او مفصل الرجل او الرقبه وغير الحى بقا وكنا بنعيب على اسرائيل انها بتضرب الفلسطينيين بالرصاص وهما بيردوا بالطوب تقبل تحياتى بس بجد انزلوا ولو ساعه اتاكدوا من الكلام

يا شادى باشا
انا فى محافظة البحر الاحمر نظرا انى شغلى هنا وانشاء الله هيقفل قريب والارزاق على الله والحمد لله انا فى تمام اليقين ان ربنا بيعمل للواحد كل خير وانشاء الله طول ما الواحد حريص على شغلة وسمعته زى الجنيه الدهب فى مجال عمل يبقا ربنا عمرة مهيقطع الرزق
مع احترامى الكامل لمعاليك سؤال
لو حضرتك دخلت الجيش اوحتى خدمت بلدك بجد فى مجالك
هتبقا فعلا عاشق لتراب مصر
انا لن ازايد على وطنيتك لا طبعا ومتفهنيش غلط
ربنا يارب يحفظك لاهلك من كل سؤ
انا بتكلم ان زى ما اخوتنا واقفين فى الميدان فى بلطجية وشفتهم بام عينى فى الميدان ووظيفتهم هى التحريض واحد ماسك شومة ولابس عليها عباية وعمال يلملم الشباب الى بيبعد عن ضرب النار عشان يخليهم يحدفوا طوب
والله وانا مش محتاج انى احلف اساسا
انا خدمت بلدى بجد وفى شغلى الحمد لله بخدم بلدى بردو ودائما حتى اخر نفس فى عمرى
وعاوز اقول لحضرتك على حاجة مشكله الشباب الى لسة مطلعش بطاقة شخصية حتة ان كلمه واحده تسخنة
ومعظمهم عشان حضرتك تبقا عارف بس
واديك شايف واحد هنا فى المنتدى بدون ذكر اسماء مطلعش بطاقة لسه متمش اساسا 16 سنة عمال يحط لنا صور وفيديوهات من اللى بيحصل فى سوريا تفتكر رد فعلة عليك وعليا ايه؟
خدم بلده فى ايه تفتكر عشان يدور على حقة ؟ لحق يدى ايه فى البلد عشان يتكلم؟
ان اسف جدا اخى العزيز على الاطاله
واحترمك واحترم راى حضرتك طبعا و كل اخ لى هنا فى المنتدى