قانون أسلحة الصوت

[ahmedmh_ali]

مسدس الصوت ممنوع ممنوع ممنوع ، حتى لو لقيتم ألف بند يقول غير كدة ...

[avokato]

المشاركة الأصلية كتبت بواسطة ahmedmh_ali

مسدس الصوت ممنوع ممنوع ممنوع ، حتى لو لقيتم ألف بند يقول غير كدة ...

حضرتك من طاقم الاداره ارجو مراجعه كلامك بجديه وقانونيه ومع باقي الاداره لعدم اعطاء ايه معلومات خاطئه فيه حاجه اسمها مسدس الصوت ممنوع وانا بوريلك كود قانون الاسلحه والزخائر كامل

[ahmedmh_ali]

المشاركة الأصلية كتبت بواسطة avokato

حضرتك من طاقم الاداره ارجو مراجعه كلامك بجديه وقانونيه ومع باقي الاداره لعدم اعطاء ايه معلومات خاطئه فيه حاجه اسمها مسدس الصوت ممنوع وانا بوريلك كود قانون الاسلحه والزخائر كامل

مع أحترامى الشديد لحضرتك ، حضرتك ليك مواضيع كتيرة أوى بتتكلم فيها عن المسدسات الصوت و طلقات البلى و كلام حضرتك فيها بيتناقض أكتر من مرة ، مش كل شوية ح أفضل أقول أنا أعرف فلان ظابط و فلان يبقى فى المباحث و عمى فلان و خالى فلان و رفعت صور الكارنيهات الخاصة أكتر من مرة ، و أنا يعتبر فى قلب كل الأحداث دى ...

بلاش حضرتك اللى تضر الناس و أتكلم بالمنطق ( المسدس الصوت ممنوع ) ، حتى لو مفيش نص فى القانون بيجرمة .. و راجع المشاركتين دول




****تحياتى ليك يا أستاذ طارق .. أنا كلامى مش سيف و لا أجبارى و لا حتمى ، دة رجاء شخصى اللى عايز ياخد بية دى حاجة ترجعلة اللى مش عايز دى حاجة ترجعلة ، حضرتك انا قلت كلام بناءا على ان بفضل الله تعالى انا عندى من العائلة شرطة و قوات مسلحة و قلت الكلام دة قبل كدة ..

- رقم 1 : المسدس الصوت حاليا بيدخل معمل جنائى معرفش حضرتك تعرف الكلام دة و لا .
- رقم 2 : الضرورة الحتمية معلش بقى يا أستاذ و حضرتك قبل لما المسدسات الصوت تنتشر حضرتك كنت بتنزل ب أر بى جي أو حاجة ؟

أنا عندى 5 مسدسات صوت و كلهم مفتوحين و كلهم بطبات أقسم بالله من يوم لما جبتهم ما نزلت بواحد فيهم لا صوت و لا بلى أحنا مش شيكاغو و لا فى ليبيا خلاص ضرب النار يعنى مش شغال 24 ساعه .. الكلام يبقى بالمنطق و بالعقل المسدس دة مينفعش يتشال 24 ساعه الضرورة الحتمية أنك بترجع بالليل متأخر شغلك يكون فى مناطق الكيلو اللى هى صحراء ، بتسافر كتير كدة ، أنما انت رايح شغلك و راجع و بتنزل بالليل مع صحابك متزعلش منى لو فى حد بيمشى بالمسدس فى التوقيت دة دى فشخرة كدابة او دة انسان عندة نقص ..


و أوعى تفكر ان كل الناس اللى بتشترى المسدسات دى بتشتريها علشان الحماية الشخصية لا مش كلة يبقى بتضحك على نفسك لو صدقت الكلام دة ، لا .. دول بيتباعوا علشان كل ممنوع مرغوب و كلة عايز يجرب .. و دى حاجة جديدة علينا ، ما أحنا قبل كدة محدش كان يعرف حاجة عن الموضوع اية يعنى متنا ؟ نقصنا أيد و لا رجل ؟ لا عايشين و زى الفل و الحمد لله و لازم تعرف ان أنتشارة زى لما حيقع فى أيديك ح يقع فى ايدين ناس زبالة ، و خلى بالك انا بحمد ربنا أن فى ناس زى أبو سيف و كريم أبو القاسم و غيرهم مش بييعوا لأى حد فى ناس جاتلهم كان سنها صغير و ناس شكلها غلط و محدش فيهم رضى يبيع ليهم ، ناس تانية ممكن تبيع و تبقى العملية سداح مداح ..

و علشان أوفر عليك .. معرفش بردة أذا كنت حضرتك تعرف الكلام دة و لا أى حاجة فى المسدس الصوت بخلاف أذن و مواصفات الأستيراد تعتبر تعديل يعنى تعتبر جناية سواء فتح مسدس أو طبة طويلة أو تعديل ماسورة أو طلق بلى أيا كان ...


و ربنا يحفظ الجميع و يعافى عن الكل ... و سامحنى فى اللى حقولة دة أنا من ساعه لما دخلت المنتدى برد على حضرتك و أتعاملت معاك بكل أدب و أحترام لكن بجد سامحنى طريقة كلامك المرة دى مش حلوة ، و أول مرة أشوف حضرتك بتتكلم كلام مش منطقى و بطريقة مش لطيفة ...


شيل المسدس 24 ساعه مش رجولة ............... دة نقص .




**** تحياتى لحضرتك .. لكن علشان منبقاش السبب فى أذى لحد ، الكلام اللى حضرتك بتقولة دة ملهوش أى أساس من الصحة ، المسدس الصوت فى حالتة الطبيعية دون أى تعديل لما حضرتك ماشى على رجلك و صادف ان حضرتك دخلت على كمين أو ماشابة الظابط حيقول لحضرتك أنا المسدس حيدخل معمل جنائى للكشف على خواصة ، و حضرتك بتروح القسم و منة المسدس بيتحول الى النيابة ثم للمعمل الجنائى بعد تحرير مذكرة ، لو سليم بتاخدة تاني لو فى حاجة تانية يبقى فية مستجدات ..

طبعا لو حضرتك فى الوقت دة فى مشوار أو رايح مكان و مش حينفع تروح القسم ، يبقى علية العوض و منة العوض فى المسدس و حتسيبة .

لو المسدس فى عربية ، مفيش أى مشكلة نهائى من وجودة ولا حد حيسألك علية الا أذا كنت على طريق سفر حيكون فيها س و ج ..

حضرتك حتقولى أشمعنا ؟ ح أقول لحضرتك أن الحكومة بتتعامل على أساس المظهر ، و هما حيبقوا شايفين أن اللى على رجلة دة بيمثل خطر ، لكن اللى فى العربية انسان محترم ..

مثال : حضرتك لو تمشى بمطوة يبقى فيها جنحة ، طيب لو حضرتك العربية أتفتشت و كان فيها مطوة ؟ كأن شيئا لم يكن ..

لو حضرتك تكرمت و دخلت أى قسم شرطة و سألت و قلت عايز أستفسر عن فتح مسدس الصوت أو الطبة الطويلة أو الماسورة اللى معدة لضرب البلى و بالتالى متعديش رصاصة حية ، أو عن الطلقات البلى ، حيقول لحضرتك أن كلهم مجرمين و يعاقب عليهم القانون و التعامل معاهم بيكون نفس التعامل مع مصادرة سلاح حى دون ترخيص ...


( الكلام دة حضرتك مش من فراغ ، و بعد سؤال ناس كتير من الشرطة و منهم من أسرتى ، و كلة عن تجارب شخصية ، و مواقف حضرتها ... )

[Ahmed El Sarky]

المشاركة الأصلية كتبت بواسطة ahmedmh_ali

مسدس الصوت ممنوع ممنوع ممنوع ، حتى لو لقيتم ألف بند يقول غير كدة ...

طيب لو كلامك صح ليه بيتباع في المحلات او حتي هنا في المنتدى ؟؟؟؟؟؟؟؟؟
ياريت تفيدني في الصوت فقط وليس المعدل لبلي

[avokato]

المشاركة الأصلية كتبت بواسطة Ahmed El Sarky

طيب لو كلامك صح ليه بيتباع في المحلات او حتي هنا في المنتدى ؟؟؟؟؟؟؟؟؟
ياريت تفيدني في الصوت فقط وليس المعدل لبلي

http://www.egypthunt.net/showthread.php?t=10814
باشا راجع الموصوع دا وارجو من الاداره تثبيته لانه بيتكلم عن تجريم كل انواع الاسلحه ونصوص القوانين

[ahmedmh_ali]

المشاركة الأصلية كتبت بواسطة ahmed el sarky

طيب لو كلامك صح ليه بيتباع في المحلات او حتي هنا في المنتدى ؟؟؟؟؟؟؟؟؟
ياريت تفيدني في الصوت فقط وليس المعدل لبلي

ممكن حضرتك تقرأ المشاركة الأخيرة يا أستاذ أحمد و فيها المفيد كلة ..

[roaaroma2005]

المشاركة الأصلية كتبت بواسطة ahmedmh_ali

مسدس الصوت ممنوع ممنوع ممنوع ، حتى لو لقيتم ألف بند يقول غير كدة ...

مين قال ممنوع اساسا ؟
انا سئلت ظابط شرطة وقالى
ممنوع ويعتبر جريمة انك تمشى بيه فى الشارع لانه شبه الحى ( قال كدا بالنص )
هتتحاسب كانك ماسك سلاح وبتحاول تثبت بيه حد
لكن لو مقتنيات وكدا جوا البيت عادى
وقالى خلى بالك من الصوت المفتوح او المتعدل فيه بالذات دى يعتبر جريمة بجد
لانه بيعامل سلاح معد\ل فيه لقلبه حى

[ahmedmh_ali]

المشاركة الأصلية كتبت بواسطة roaaroma2005

مين قال ممنوع اساسا ؟
انا سئلت ظابط شرطة وقالى
ممنوع ويعتبر جريمة انك تمشى بيه فى الشارع لانه شبه الحى ( قال كدا بالنص )
هتتحاسب كانك ماسك سلاح وبتحاول تثبت بيه حد
لكن لو مقتنيات وكدا جوا البيت عادى
وقالى خلى بالك من الصوت المفتوح او المتعدل فيه بالذات دى يعتبر جريمة بجد
لانه بيعامل سلاح معد\ل فيه لقلبه حى

هو أنا بعد الشر قلت حاجة غير كدة !!!

[Tito100]

المشاركة الأصلية كتبت بواسطة ahmedmh_ali

مسدس الصوت ممنوع ممنوع ممنوع ، حتى لو لقيتم ألف بند يقول غير كدة ...

أنا معاك فى الكلام ده يا أ. أحمد

خالص تحياتى