للبيع ساعة رادو رجالى واقلام شيفر وباركر

[ebrahem]

يا مصطفى التحف دى تتوارثها الاجيال لكن مادمت بتفكر فى البيع احب أوضحلك كام نقطة بشفافية:
الحاجات دى ليها زبونها الى بقى دلوقتى نادر جدا لأكتر من سبب زى مثلا ان الآى فون والآى باد حلوا محل الهدايا التقليدية..ودة ممكن يخلى حاجتك تتظلم فى السعر المعروض..دى اول نقطة.
النقطة التانية ودى الأهم ان الساعات فيها كلام.. بمعنى انة من كام سنة انتشر المضروب تصنيع فلبينى وتايوانى نفس الشكل والوزن فما تستغربش لو حد فحص الساعة والأقلام بعدسة مكبرة أو وصل مع معاليك مشوار صغير لحد التوكيل مثلا.
النقطة التالتة هيا انى برغم انى عارف ومتأكد انك راجل امين ومحترم وحاجاتك من التحف النوادر انصح معاليك بالابتعاد عن المحترفين عشان الهواة هيكون سعرهم فى مصلحتك دا غير ان الساعات الرادو والتيسو بتنزل عليها سيلات مغرية جدا برة والموديل دة لو جديد ممكن يعمل فى سيل متاجر المخزن الشرقى - توكيل الامارات .. حوالى 2250 درهم يعنى تلاتة ونص مصرى الى هيختصر عليك وعلى الشارى الطريق ان الساعة تكون معاها الكتالوج والضمان لان دى وحدها هتغنى عن مشوار الفحص. وربنا يحسن سوقهم لراجل محترم ذواق زى حضرتك كدة