اقتباس:
المشاركة الأصلية كتبت بواسطة qoldus
بص حبيب قلبي لو إنت مصفر التيليسكوب على 50 متر ( يعني ظابط الكروس على 50 متر ) وعندك مثلا في تدرج الشعار الداخلي 5 شرط تحت و 5 شرط فوق...والكروس في المنتصف مظبوط على 50 متر...يبقي كل شرطة من دول تساوي 10 متر سواء فوق أو تحت...بس ها تفرق في إيه بقي...لو بتنشن على هدف أقرب بتستعمل الشرط الأعلى يعني بتنخفض وبتنزل بمقدمة الماسورة لأسفل...ولو بتنشن على هدف أبعد بتستعمل الشرط الأسفل يعني بترتفع وبتطلع بمقدمة الماسورة لأعلى وهكذا...وكمثال سنفترض إنك بتنشن على هدف أبعد من 50 متر...60 متر مثلا يبقي تستعمل أول شرطة تحت الكروس...ولو 70 متر يبقي تستعمل ثاني شرطة تحت الكروس...ولو 80 متر يبقي تستعمل ثالث شرطة تحت الكروس وهكذا...وبالعكس لو بتنشن على هدف اقرب من 50 متر...40 متر مثلا يبقي تستعمل أول شرطة فوق الكروس...ولو 30 متر يبقي تستعمل ثاني شرطة فوق الكروس...ولو عشرين متر يبقى تستعمل ثالث شرطة فوق الكروس وهكذا...أظن كده وضحت...وخللي بالك لو غيرت نوع الرش ها يختلف الشكل والحجم والوزن وبالتالي ستعيد تصفير التيليسكوب ( يعني تعيد ظبطه على الرش الجديد المختلف في الشكل والحجم والوزن ) وبالممارسة والتدريب ستكتسب الخبرة والمهارة الكافية لتصفير وظبط التيليسكوب مرة واحدة حتى لو غيرت نوع الرش...يا رب أكون افدتك...لا تنساني بالدعاء...تحياتي...
|
معلومات جميلة وقيمة وربنا يجعله في ميزان حسناتك دائما تفيدنا معلوماتك الجميلة
11-12-23, 12:59 AM
رد: استفسار هام
العرض الشجري