تعالوا اعرفوا اسعار البنادق فى الخليج

[عاشق القنص]

المشاركة الأصلية كتبت بواسطة محمد عز

والله حاجة تحزن يا جاسر بك اللي موجود في السوق المصري ده
وعلشان كده بيقولوا ان تجارة السلاح اربح بكتير من تجارة المخدرات والرقيق الابيض او الاسود احيانا
والله انا واحد صاحبي اشترى ماجنوم 350 الالمانية نمرة 2 ب 1650 ريال من الرياض ومش راضي يسيبها من ايده من ساعة ما اشتراها وعاجباه اكتر من الويبلي الانجليزي الباتريوت اللي كان سعرها 1950 ريال
وعموما سوق الخليج مختلف عنا شوية
يعني هما عاملين زي اذواق السواحلية عندنا
بيحبوا البنادق رقم واحد وبيقولوا عليها ساكتون صجم صغير
وما بيحبوش رقم 2 اللي مسميينه صجم كبير
ونمرة 3 دي ما بتتباعش عندهم الا كل كام شهر بعكس اذواق واهتمامات اهل كايرو
وبعدين هما بيموتوا في البنادق الكسر
والبنادق العتلة السفلية والذراع الجانبي بيعتبروا انها غير عملية ومرفهة رغم انهم عندهم كل انواع السلاح من المسدسات ال 22 لغاية مدافع 50 والله جرينوف شوفتها معاهم
وهانقول ايه بس امرنا لله ولي الصابرين
وشكرا على الموضوع الجميل يا باشا

واللهى يامحمد بيه مفيش كلام يتقال بعد كلام حضرتك
حضرتك جبت النهايه زى ما بيقولوا
ولنا الله فى مصر