رد: طريقة*صنع*جراب*للمسدس*باقل*من*٥*جنيه
بمناسبة الجربات يا جماعة انا فى موضوع حصل معايا من يومين و عايز اقول للكل عليه و هو انى من يومين كنت نازل اشترى جراب للمسدس و رحت محل سلاح فى شارع الخليفة المأمون بجوار سوبر ماركت مترو و لقيت عنده جرابات كتف عجبتنى و سألت على سعر نوعين منهم واحد كان ب 65 جنيه و التانى ب 75 جنيه المهم انا استغليتهم و مشيت و كنت قريت فى احد مواضيع المنتدى عن محل اسمه الرشيدى فى ميدان العباسية فقلت لنفسى اكمل و اوصل لغاية عنده و استكشف محلات جديدة متخصصه فى هوايتى و المفاجأة انى اكتشفت انه مش محل اسلحة ولا معدات صيد بس طلع انه محل ملابس زى الششنجى بتاع يونيفورم و ملابس عسكرية و الظريف بقى انى دخلت اسئله على جرابات فلقيت عنده جراب كنت شاريه من محل قبل كدا ب 50 جنيه و دا كان جراب جنب و لقيته عنده ب 15 جنيه و المفاجأة الجامدة اوى انى لقيت عنده نفس جرابات الكتف اللى شفتها ب 75 و 65 ب 25 و 30 جنيه و هما هما نفس الجرابات و نفس المصنع و نفس كل حاجة بما فيها طبعا الماركة و الخامة و التصميم حتى جراب الخزنة كنت شفته ب 15 جنيه طلع ب 5 جنيه بس طبعا انا قلت لنفسى اشترى من عنده كميه اشكال و الوان و احجام و اعمل بيزنيس بقى لحسابى بس قلت مبخلش عليكم بالمعلومة و الاجر و الثواب بقى عند الله و افكرلى انا بقى فى بيزنيس تانى مثلا افتح محل عصير قصب او اسرح بعربية بطاطا او امسح عربيات فى الاشارات او اى حاجة من دى ( ههههههههههه )
|
11-12-25, 02:14 AM
المواضيع المتشابهه
العرض الشجري